اقتباس:
المشاركة الأصلية كتبت بواسطة عبدالملك البلوشي
يومين من فرقى المحبيين ضايق
والشوق ياخذ في خفوقي ويآتي
ياللي سرقت النوم من عين رايق
إليا متى ببقى ف حبك أحاتي
متقول لي .. إليا متى فيك ذايق ؟
هذا العذاب ولوعته في مباتي
ما قلت لك من قبل بأن الدقايق
ماهي دقايق .. وإنت ما في حياتي
سويت لك ياللي تبي وإنت عايق
مافي أحد فالحب سوى سواتي
كلما يأذن بالفجر .. منك فايق
يمرني طيفك وأنا في صلاتي
ومن كثر ماني ب هالدرب صرت سايق
حتى المباني تعرف اللي بسكاتي
ولعتني يا شوق شوف الحرايق
في وسط جوفي تشتعل بلتفاتي
جربت أوصل لك بكل الطرايق
يمكن طريقة تشفعلي ل ذاتي
أرسلت لك مع ورد .. عشرة بطايق
مافي بطاقة جاوبتني ب تاتي
من رحت .. وإنت ب هالسفر صرت بايق
روحي وقلبي لا .. وأجمل صفاتي
إرجع يا قلبي آه ماني بطايق
هذا البعد .. أرجوك لملم شتاتي
إشتقت لك .. إشتقت لك .. وإنت رايق
بالله حس بلهفتي يا حياتي
|
قصيدة تتلمس النضج
لشاعر
يمتلك موهبة
مع
الدربة
والممارسة
واﻻطﻻع على تجارب اﻵخرين
والقراءة
ننتظر منه ما يزهر في الروح
ويأسر الذائقة