السلام عليكم و رحمة الله و بركاته
صباحكم / مساؤكم
راحة بال و قلوب مطمئنة
أترككم لنصي المتواضع :
و مـا يورق غصن يابس وهو من طلعته مبتور
و كيــف إنه و هـــو من فــــاقد الحاجه بيعطيني
أنــــا أحتــاج هالعــالم و ماحولــي يشوف النور
و أنــــا ذيك التـــي عيّى ظــــــــلام الليل يغويني
أجـــي و بداخلي غربه ولو بــان الشكل مغرور
عزيـــزة نفـــس مــا أرضى تبيّن دمعتــي بعيني
و لكن الشعر فــــاضح و قاصد يكشف المستور
ولــو قلبـــي يطـــــاوع كــــان ذبّحتــه بيدّينـــــي
غريـــب إنــك تحس و من حوالينك بدون شعور
أمثل ضحكتـــي و أفرح كــأن ما عـاد يعنينــــي
غريـــب انــــك تعيش بدنيتك لكن شبه مقبـــور
ريـــاح الآآآه تعصفنـــي .. تعذبنــي و تعنّينــــي
أنا مـــابيع نــاسٍ لو كســـاني منهم بــــي جور
لأنـــي هــم تعودت الجراح انهــا تغطّينــــــــــي
و أنا طيرٍ .. كبر حلمه و هو بجناحه المكسور
و يبقــى فـــي خفوقي نبض .. يتعبني و يحييني
لأني ما عرفت أكذب .. كثــــــارٍ باشروا بالدور
و لأني علّتــي أصـــدق .. أبسأل من يدانينــــي
كبرت ..و داخلي أوطان من عشق ولها دستور
لـــو ان العشق في أرضــي يظنـــونه بيعمينــي
معاناتي .. يظنون الشعر صفحة ,قلم و سطور
و انا بنتٍ ... يجيها البوح ..ما اروحه برجليني
كبيـــر الله .. من مثله ؟! يداوي علــة المقهور
و إذا خان الحكــي بوحي هنـاك أحزان تعفيني
ضجيج أنفاس