ياهيه يا غصنن يبس ماعاد بك حيله تلين*
من بعد ماكان لمقامك تنحني كل شجره*
ينبض وريدي هم قلبن تخنقه عبره حنين*
الرأس شايب والغرابيل أتراكم بشعره
طول جفاك ومالت أغصان الرجاوي والسنيين * * * *
والحوت ياللي تخبره تدمع عيونه عنبره
مشكاه ضلعن انكسر عضمه من الجنب اليمين*
ذاك المكان اللي تريح الرأس كأنك تذكره * * * *
تسعة شهور وخمسة اعوامن وحبك به دفين*
متخبين وسط الحنايا والعواطف تحكره*
نسمع هدير الموج والدمعة تمسحها اليدين
على شواطي بحر ميت كان عهدك تخبره
حلفتني واحلفتلي وعاهدتني بدنيا ودين*
تبقى معي لين انتوارى في تراب المقبره
لكن خساره كل من عشناه من زينن وشين*
*ما خلف إلا غيمتن سودا ونفات غبره
يعني على قول المثل ما كل ما يلمع ثمين
وما كل *حرن نيته تشبه خطوط المسطره*
وشعاد يجني من زرع باليم ورد وياسمين
وشعاد يجني من لبس عمة زمان البختره
في ذا الزمن *باب الصراحه بات مكسور اليدين*
أما تكف الجود والا سيف غيرك ينحره
وأنا توشحته صبر أيوب و الرب المعين*
النار طفت لكن الذكرى تقلب دفتره
واليوم بعلنها على مسمع شهودن حاضريين
الكأس ياللي من يدك ما عدت اطعم زعتره
كل القوافي ارحلي ولا عاد تالي *ترجعيين*
يا لعن أبو كل القصيد أن كان الهامه مره*