[وهج الروح]

كلمات الشاعر : خالد الفيصل

***************

قالت من انت وقلت مجموعة انسان ....
من كل ضد وضد تلقين فيني

فيني نهار وليل وافـراح واحـزان ....
أضحك ودمعي حاير وسط عـيني

وفيني بداية وقـت ونهاية ازمان ....
أشتاق باكر واعـطي امـسي حـنيـني

واسقي قلوب الناس عشق وظميان ....
واهدي حيارى الدرب واحتار ويني

واحاوم صــقور الهوا حوم نشوان ....
واســيل الوديان دمعٍ حــزيني

في عيني اليمنى من الورد بستان ....
وفي عيني اليسرى عـجاج السنيني

تهزمني النجـلا وانا نـد فرســان ....
واخفي طعوني والمحـبه تــبــين

اما عرفتـيـني فلاني بزعــلان ....
حـتى انـا تراني ... احـترت فـيني

*********************