[أحمد القريني]

هيه مجموعة أحاسيس من دماري تنتشلني
وإلا إن طغت حتى في دماري من حلاها تعتكفني

شي طبيعي من غرورها إن طغت شي طبيعي
شي طبيعي من عيونها إن طغت شي طبيعي

تغير التاريخ من شتوي وتخله خريفي
يا خريفي تتناثر أوراقك وأنت هايج يا خريفي

كلها شي مثير من ضحكها حتى مسلك غديري
ترتوي بشفات الحسن عسيلات جدول غديري

يا جنوني شي غريب شي مثير من خيالي وفنوني
امتزاج الحبر بأنواع الورق يعنيلها شي جنوني

تمشي وكن ظلي من عطرها وراها يمشي
يا ليتني ظلي ومن وراها اتلذذ ابمشيها وامشي

شخبطيني ارسميني في كتابك بشفاتك لونيني
ما أنا إلا مجرد سطور اكتبيني ومسحيني


شي طبيعي إن بكاني كتابك من دموعي
بللي منديلك من بقايا ما سقط من دموعي


مو طبيعي كل زوايا غرفتي أربع وخمسي
مو طبيعي جرح من ابتسامتها يصبح ويمسي

أنا أصلا مو طبيعي ذاتي ضايع في ضياعي
اوجديني من ضياعي وجمعيني في أول ضياعي

بداخلي انفجار قنابل من أشواق وانكساري
انكسرت ليتك تجي وتصلح انعواجي وانكساري

فتافيت الغواني مالها تأثير إلا أنتي يا مزاجي
يا دموعي يا سكة بداياتي يا آخر قطرة علاجي

كلها إلا أنتي امزجي طيشي بجنوني رتبيني
رتبيني بتساوي يعني بكيفك لو بغيتي اظلميني

بس لو سمحتي كل نوافذ غرفتي هيه ملكي
هيه منظاري للقمر أشوفه وأذكرك وبكي

مو طبيعي أحاسيسي اتجاهك مو طبيعي
مو طبيعي من عرفتك وإحساسي مو طبيعي