[علي السوادي]

ضاق صدري
كن صبري مالقى لليل آخر
فاقد الحيلة ياقلبي
بس يا حليلك تكابر
غير كل الناس وقتك
ساعتك غصة حزينه
والعقارب حظ
عاثر

يا ثواني الجرح .. صوتك لي هَمَس
يا ليالي السهد .. كم حلم انتكس
ودي أصرخ
وأكسر الصمت العنيد
بس .. ما فيني نَفَس
لامتى والليل عابس
لامتى والقلب يائس
لامتى وآنا على هالظلم صابر
ساعتي غصة حزينة
والعقارب حظ
عاثر

وش بقى يا لحظة البعد
الحزينة
غير روحٍ فيك ماتت
ودمع ضاقت فيه
عينه
ما بقى بي شئ يسوى
تاخذينه
غير جرح عانق أنفاس الدفاتر
ماله آخر
ساعته غصة حزينة
والعقارب حظ
عاثر