سلوى
حبيبتي تبدل الحال لِحال
مايغير جمالها لبسها لشال
الجبل لامرت بجنبه مال
فدوة حسنها كل النفايل
احبها وان عارضني الجيش
ليش ماحبها ماحبها ليش
بدونها فهد مايقدر يعيش
وبجودها كأنه طفل توه حايل
دخيمهٍ وصوتها صوت شادي
عبقره ماغيرها يكسر عنادي
لو تباني اموت بموت عادي
تامر امر بنت الاصايل
في ملامحها الحسن منحوت
وبعينها تبين لمعة الياقوت
شوفها يكفيني عن القوت
متحريه ما مثلها في القبايل
رمشها جندي ماحكم سيفه
وفكره لكل امرٍ يملك صرفه
وان مد حبهاا لكفي كفه
ما بحتاج في حياتي عايل
وسيمهٍ قسيمهٍ والعين مكحوله
مقصدٍ ممشوقهٍ رقراقهٍ عطبوله
سرعوفهٍ باهره لكنها خجوله
في العروب تضرب كل المثايل
النظره ام الحجاج الاصيل
رشوفٍ ابتسامتها تشفي عليل
هيفاءٍ انوف وان تريد الدليل
في كسرة عينها تلقى الدلايل
تايه وبنور وجهها اهتديت
جيت شاقي لاجلها تعنيت
جيت مادح وبمدحها ماوفيت
ومدحي مدح ماجابه الاوايل
رقيقهٍ وبوقت الشدايد قويه
حساسهٍ مدامعها دايم سخيه
وتدرون وش هو شر البليه
لامرت على صلب صار سايل
|