السلام عليكم و رحمة الله و بركاته
مساؤكم / صباحكم راحة بال و سعادة
لا أملك الكثير كل زادي " خربشات "
أترككم معها ..
عمري صغير و شف جروحي قديمــــــات
ورّتني الدنيــــــــــــــا فـ كل درب " حيّه "
شفنـي عشقتك وانت مــ " المستحيلات "
شفنــــــــــــــي هويتك وانت ما هووب ليّه
إحساس " مرعب " و المحبه مسافـــات
الدمع فـــــــــــــــــــاضح و المدامع سخيّه
مدري وش اللي قادنـــــــــي للمتاهــــــات
مدري وش اللي حدّنـــــــــــــــــي للأذية !
عيبـــــــــــي عشقت و في زمان الخيانات
أغلب قصصنا آخرتهـــــــــــــــــا " بليّه "
عيبـــــــي كبرت و كل جيلي " صغيرات "
و أكبر دليل " احســــــــــاس ماحد زيّه "
عيبـــــــــــــــي نطقت وكل ما حولي سكات
حكمة " عجوز " و ذي عيوني " صبيّه "
خاويــــــت حلمي و الأمانــــــــي عقيمات
كفّنتها أحلامــــــــــــــي و إلى اليوم حيّه