احساس القتيل
كل شيٍ لجلهـــا عيونك مسحته
النزيف .. الجــرح ذا أكــبر دليــــل
حتى صورة صاحبي الأول هجرته
ما بقى له خافقـــي غيرك خلـيل
أش بقى فيني لأجــلك ما وهبته
غير حزني .. غربتي والمستحيل
لا تظن الوقت يمحي مـا رسمته
بيدك اليمنــى وخنجرك السلــيل
يكفي إنـي بالبعد حزنـي دفنـــته
مستحـب الصمت وْلو صوبه أميل
عشتها دنياك رغم اللي (ا)قترفته
عشتهــا راضـي وقــانع بالقلـــيل
شوف لي لدواي حبي اللي هدرته
سارع بموتـي تــرا دمي يســـيل
لا تغرك بسمتي يومـــك عـــزمته
طعنــةٍ بحْشـــايه اردتني علـــيل
كيف بقدر شوف غالي ما وحشته
كـيف بقدر امنع احساس القتــيل
لي نظرتـه بكــل ما فيني عــزفته
مثل طـــــيرٍ غرد بوقت الأصــــيل
مشتكي من حـر مــابي ما فقدته
عقـب هجرانه تركني كالأكـــــيل
وينها عود الثقاب اللــي كسرته
وينها عن كل قال وكـــــــــل قيل
يا حســافه ضـاع عمري وانحرمته
من بيوقد شمعة العمــــر بفتـيل
مــابقى للــورد لــون إلا قطفـــــته
شوك يسبق دايمٍ يشفي الغليل
كل هذا والسؤال اللـــــــي طرحته
ما لقاله من يضمــــه أو يعيل
قد نويت أرحل ضميري اللي ذبحته
بهجر أوهامي أسافر واستقيل
وكل شيٍ لجلهــا عــيونك نسفته
معلن الفرقا ومـا عدت النزيل