[سميره الحوسني]

هيه يابحر
وشلون تسرق دفتري
يعني على شوية حبر؟؟؟
طيب على شان الحكي
حاول تخبيه فأمان..
تعرف ترى طبع الزمان!!
ما بيه يعرف مقصدي.

هيه يا بحر.
بك أبتدي
لا ضاق هالصدر الندي
لا إصفر عنقودي ولان
لا طاحت أوراق الشجر
والصبح جهز للسفر
يا ها السفر ذا الحين حان
وش فايدة صوت الكمان؟
والعازف بطبعه ردي.
هيه يا بحر:
تذكر هذاك الآدمي؟
إلي يسمونه سمير
كانوا يسمونه الأمير
لا لا يسمونه فلان؟؟؟؟
لأنه بغاها وحبها
قامت تغاويبه وتدور
مره على درب الندم
مره على شط القبور
لأنه تناسى ويش كان.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
استغربت؟
خلك كذا لا لا تقوم
وإلا تحايل ما تروم
ترها كذا وإلا كذا
بيقال متوفي فلان!!!
ماشي جديد
يعني بعيد
يعني بحاول أبتدي
لا لا بحاول ما أزيد
وإلا أبا أسرق دفتري
إلي لعبه هالزمان
وإلا أقول.............................
بك يا بحر كنت أبتدي
راوي يبعثر قصتي
بك يا بحر جيت أنتهي
ما كنت أغيب إلا عشان....؟؟؟

(العقرب)