ليتك تمرين المسافه
مابين صمتي والجراح
وليتك قبل تنهي خلافه
قولي كرهتك والسماح
واوعدك بأنسى واهاجر
وانسى فيوم اني هويت
واوعدك درب المشاعر
ما عاد لي فيه اكتفيت
برحل وانا فيني مواجع
وفيني جروحن من هواك
برحل عن الدنيا واتابع
ولو طريقي في هلاك
ضايع وانا وسط اشتياقي
اركض ويخنقني النفس
يا هل ترى تقوى فراقي
ولا ضميرك ما يحس
تعبت اسافر في جراحي
تعبت اقول انك هواي
تعبت اصيح بهالنواحي
واتخيلك وأنته معاي