هود هود
وشحالكم يالربع
السموحه على التاخير
البرد سواها فينا والدرب بعيده
وشحالك أبو سلطان
أبو خالد نورت المكان
إن شاء الله طيبين يالربع
علومي شوفت وجوهكم وسوالفكم الطيبه
ومعي مداخله إذا سمحتواا
أولا أبو سلطان تسلم ياخوي للاداره الراقيه لهذا الحوار والتواصل معك شرف واعذرني ع التقصير
واكيد أبو خالد مبسوط ومستانس لتواجده معك، والله أتصور هذا اللقاء تلفزيوني بيكون له شكل عجيب
وعلى فكره أنتوا تشكلوا ثنائي رائع ياصديقي وسالم يا سالم لي عوده معك
ثانيا أبو خالد
حياك حياك
بامانه نديم الماضي برنامج وصل لقلوب الجميع في وطننا الغالي والله يابو خالد كنا نلتم مع مجموعه من الجيران نتابع
برنامج نديم الماضي بشوق وبكل فخر وأعتزاز ونحلل ونسأل ونجاوب معك
وفي بعض الشواب كانوا يقلدوك وهما جاين البرزه في اللباس التقلدي وياخي حاجه جميله
وظاهره فنيه راقيه أتمني تتكرر ، ولا أخفيك أنا شاعر من عشر سنوات وعرفت بأن حميد البلوشي شاعر تقريبا من سنتين فقط
وذالك لطغيان الجانب الأعلامي والرياضي معك واحب اسجل شهاده ياخوي وين ماتروح
النجاح معك بالشعر والاعلام والرياضه
والظاهر أن قلبك يحب الناس كلهاوينعكس هذا الحب عليك والحين
الناس كلها تحبك بدوون مجامله لأن البساطه ياخوي والتلقائيه في التقديم سبب حب الناس
وأنت تستاهل والكلام هذا تعرفه بس حقيقه مقتنع فيها وحبيت أبوح أبها يخوك
والسموحه رخصولي كان ودي أطول شوي بالدردشه معكم لكن الدرب بعيده وانشاء الله راجع بعد يومين
من رخصتكم...
سالم