[mubarak alseyabi]

الجرح الكبير

يوم ٍمن الأيام ويـّام العمر
مرت علي ّ جنـّها لمح البصر

يوم ٍطرا لي الزين هلـّت دمعتي
من فوق خدي حتى خنقتني العِبَر

قالوا دموع الشوق خلها تنسكب
تغسل اهمومك ترا يغيب الضجر

قلت امهلوني حتى أروي قصتي
من بعد ما أرتاح من تعب السفر

وين البريكي الشاعر الفذ الحكيم
اللى بسداد الرأي والحكمه أشتهر

أدركوني به تراني مستصيب
يامحمد عزوتي أيش النظر

لي وليف غاب عني من سنين
وأسأل البدوان عنـّه والحضر

وأسأل نجوم الليل عنـّه يا هلي
وين الحبيب اللي بقلبي مستقر

شاءت الأقدار تجمع شملنا
من يوم كنا اصغار في عمر الزهر

نحنا تعاهدنا وأقسمنا اليمين
نكمـّل المشوارفي رِحْلة عُمُرْ

ودارت الأيـّام نحسبها سنين
والسعادة تبدّلت هم وكدر

والفرح من دنيتي شد الرحيل
وسلـّمت أمري إلى والي الأمـر

يوم شفت فعرسها الزينة تطير
مع هبوب الكوس من بعد العصر

في موقف ٍ جرّح شعوري وخاطري
ودمع عيني انساب مثل ماي النهر

يا محمـد إنحبس فيني الكلام
والمرارة جاوزت حد الخطر

أيش أسوي بوحمد جرحي خطير ؟
وكيف أجازي من طعني بالظهر ؟

والختم صلوا على خير الأنام
سيـّدي المبعوث رحمة للبشر

طـه حُسين