[خليفة الصائغ]

المشكله ماهي على طاري العيد
المشكله لا جات عينك فعيني

دقات قلبي تصير كلها مياهيد
وابحث على ويني ولا القاه ويني

ذي حالتي من فارقت شيخة الغيد
تطعني الاشواق داخل ضنيني

من شفتها وانا زميل التناهيد
ازفر فيوم العيد جمرة حنيني

كنه الشجر عمري وحبي عناقيد
في سفرة الاعياد عيني تجيني

خطيت لك شعري من الجيد للجيد
يمكن من افراحك تذكري سنيني

ولو يرتبط عيدك بشعر الاناشيد
بنشد قصيدي تفضلي عايديني

قولي لهم شاعرك محتاج تجديد
عن لا بنود الحب تزداد طيني

وكل عيدنا صاير لقانا بلا جديد
وخليت اشواقي م بيني وبيني

المشكله ماهي على طاري العيد
المشكله لا جات عينك فعيني