[عامرالناعبي]

المشاركة الأصلية كتبت بواسطة يقظــان الشهيمي

قصيدة متواضعة من ضمن إرشيفي المتواضع..
أتمنى أن تنال إعجابكم

لا تخلـــــــيني

ثقيل الدم سميني إذا كـــــــررت أنا أســــأل
تحبيني على كثر الكـــــــلام اللي يجي فيني؟

طفل قالوا وتحبينه! سوالف عشقنا يجهـــــل
طرق حبي مسـاكنها شراب العشق تسقيني

يضف القلب الآمه إذا عسعس بدأ يرحــــــل
على لوحه مفـــــاتنها رسمت النور في عيني

قصير آمـــــــال هالدنيا إذا دمعي ذرف ينهل
صريع النفس لو غابت ملامحها تقــــــاسيني

كسير البـــــــارحه جيته بشـــاير رحبت أقبل
تبـــــــادلني مشاعرها تكـــــــرر 'لا تخليني'

همس صوتي على إذنه يا فوع الورد لو أذبل
تمر سنين يــــــا عمري ولا فكرت لك فيني؟

تعب صبري معانــــاته يراقب ضحكتي تكمل
ودمعي خالطه حزنٍ يلخبط لـــــــي عنوايني

أنــــا ما خاب به ظني إذا قالوا تبي تســــأل
عنـــــــواين الـــوفا أقرا شفايفــها تحاكيني

أتمتم في معانيــــــها طفوله بالـــدلع تخجل
براءه ما تفارقها شقاوي أطفـــــال تلهيـــني
خفيفه دم لو تبسم يبــــــادرني القمر يزعل
حــــــلاوه وجنـــها بدرٍ حواجبها سكــــاكين

يصوبني طرف رمشه مــلامح سولعي أكحل
وأهـــــــدابٍ ترصفـّـها بزرق العين تغــميني

أطالع في خلايـــاها عظيم الجرح صار أدمل
توشحني ظفـــايرها ســــــواد الليل تكسيني

تبات أحــلامنا تضحك تقول الصعب لك أسهل
على خــايع يرقصـــــــها تشم ورودها فيني

غريب الأمس يخنقني شعور القلب بـه يذهل
تـــــودعني ولي قالت فمـــــان الله يكفيني

أبيك اليوم ترجع لــــــي وتترك دمعتي ترحل
وتعزف لـــــي على صدرك 'أحبك لا تخليني'

يقظـــان الشهيمي

أحسنت يا أخي الكريم على هذه الدرر التي صغت منها هذه القصيدة وماعليك زود
بس لفت إنتباهي ملاحظات وأشرت لها باللون الأحمر

بالنسبة للملاحظة الأولى أعتقد انه لوكان بهذه الطريقة كان افضل ( يافوع الورد أذبل )
بالنسبة للملاحظة الثانية أعتقد انه لوكان بهذه الطريقة كان افضل ( شقاوة طفل تلهيني)
تمنياتي لك بالتميّز أخي العزيز