[الشاعر ابوجمعة]

السلام عليكم ورحمة الله وبركاته

هذه مشاكاة فيها نصيحة للبن جمعة المخمري
وأتمنى تعجبكم...

يقول أبو جمعه....

ان بغـيـت اتشـوم دور لـــك ربيــع
يمتـاز فى السـيرة وعنـده لحتـــرام

فى الـــلـوازم يـعـتـنـيـبـك مايطيــع
يـبـذل المجهـــود عيـنــه مـا تـنـام
ان زقـرتـــه بالعجل ياتـي سـريــع
هـرولــــه يـاتيـك في جنح الظلام

فى السـفر تلـقـاه لــــه بـال وسـيـع
لايضـيـق ولا يعصـب فى الكــلام

قول وش بتـقول لــــك هوه مطيـع
عارف السيرة ودارس فى النظام

عـنـده المعروف دايــم مـايـضـيـع
يحمــل الأثـقـــال مــاعـنده مـــلام

لــــه مـروه شـامخــه بيـن الجميـع
لــه مواقــف ثـابـتـه يـوم الــزحـام

ان عزيتـه يـعـتـزي روحــه يبـيـع
مـايخاف الموت في يـوم الـزحـام

يـابـوجـابر خـذ وصاتـي لاتضيـع
اعـتـمدهـــا بالـعـقـل بيـن الأنــام

والـحذر في من دعيـتـه ولا يطيـع
يعـتزي بـالـنفـس ويحب الخـصام

الـحـذر ثـــم الحـذر عــنـده تـذيــع
اكتــــم الأخـبــار عـنــه بـهـتـمــام

رد الأبن:

أســـتـــعيذ بخـــالــقي ربي الســـميع
من صـــديق المصلحة وسـود الغمام
الـــزمن يا بوي له فـــعل(ن) شـــنيع
الأوادم همـــّهـــا تـــحصـــد خــصام
ازرع المعروف في شخص(ن) رفيع
يـــعاملك بالطـــيب ويفيض احـــترام
يشـــوم عنك ان بدى غـــيرك وضيع
يـــذكـــرك بالـــخـــير ما بين الانـــام
لك يـــقـــدم مـا يـــروم ويـــستـــطيع
يـــشبـــهك بالخـــير ولك يــرفع مقام
أحث نـــفسي في مدى الكون الوسيع
و ف الـــسفر يا بوي شديت الــحزام
ريت صـــاحب بس كل وقـــته يبيــع
ويـــشتري بالـــناس في سوق الظلام
هذا حـــال الـــوقت ف الأغلب جميع
مـــا تـــلاقي مـن يـــقـــدّم لـِــهْتِمَـــام
الاّ.. له حـــاجات ف الـــخاطر تشيع
صاحب(ن) مشؤووم... وفراقه سلام
انْ تِقَذّلْ بكْ غـــدى شـــروى الـمذيع
وان جـــلست بمجلس(ن) روّح وقـام
وان لـــقيــته خـــالــفك وأصبح وديع
وان فــَقيْت أقــحم وغـــلّظ ف الـكلام
هذي أوصاف الصــــديق اللي يـــبيع
صاحــبه ويفـــرّ حــــزّات الـــــزحام