[خميس المويتي]

هذا التغرود بعنوان ترك صحبته
غردت وارجوك المثل تصغاله
ترك صحبته من يغره ماله
ولن دارت الحضره يعد احلاله
واقطع حبالك من طروف احباله
وختار ظرغامن يعد ارجاله
يوم الوغاء بتواكبك ابطاله
والرجل هيباته بعمه وخاله
من قبل شوفه توصلك افعاله
ودك تصاحب دايمن امثاله
وتساير ارجالن تكون اقباله
وفوق هامة العليا بقى منزاله
ومن فكرهم ماخذ علم ودلاله
ومنهاج سيره بالوفا يصفاله
وحاوي ملازيم اللزم بعداله
وعن جملة اصحابه مميز حاله





هذا التغرود بعنوان النميمه

من خاطري ببدي قوافي امثالي
وبعزي رجالن للمثل عقالي
معهم مدارك لشعر لوطالي
وحرف الشعر معهم مساره غالي
بوصي عليكم والحكي ينقالي
حذروا النميمه وكثرت الاقوالي
فيها تشتيت الشمل يرجالي
ويلي يتابع رمسة الجهالي
بيرد نادم فالامر من تالي
ودرب التكاتف منهج الابطالي
بنيانهم بالعز دايم عالي
لو كان في جده وسيحن خالي
لجل الرباعه يرخصون المالي
هذي سجايا طيبين الفالي
عليها تربوا وطبعهم يحلالي