صباح / مساء الخير
من بعد الغياب لاسباب السفر خارج البلاد
اعود لهذا الصرح مع هذه المتواضعه
كسرا للغياب
( سراج القلب )
انفخ سراج القلب واطفي غرامك
ما يشتعل حبك مدامك طفيته
تعال بحكي لك سوالف سهامك
يوم اسرقن نبضي و هو وسط بيته
صوت البعاد اليوم طيّر حمامك
من فوق غصن القلب طار و بكيته
ما عاد يغريني صبع من سلامك
اجفيت كلي والوله ما مشيته
سريت والذكرى و حلو ابتسامك
حاجات تجبرني على ما قويته
متناقض الحاله و لي من كلامك
مترابطين القول لا ما نسيته
هذا انت غالي وانت عالي مقامك
تقرأ قصيدي والحزن ما قريته
اطيح من شوقي و ما اسمع علامك
و غيرك يبي شوقي وانا ما نخيته
كريم بالصدات كثرة ملامك
وبالدوم غالبني على اللي بغيته
وش لي الوم اليوم باقي غمامك
طال النظر والصبر لا ما رويته
ابرك من غيابك عبايا ظلامك
ايشقهن صبح الفجر لا ضويته
امشي بدرب البعد واسدل لثامك
خلي صباحك لك انا ما هويته