(( نصـيحـة ))
لا ضــاق صــدرك واتعــبك جــور دنياك
دور من الاصحاب شخص(ن) على الدين
حـــــــاول تـفـــــــرّق بــيـن ذولا وذولاك
فــرّق ترى فالنــاس نــاس(ن) بوجــهــين
لاتحــســـب ان الكـــل يـفــــرح بـلـقـــياك
النـاس واجـــد فـــيـهـم الـزيـن والشــــيـن
بعــض البـشــر لارحـت يـفــرح بفــرقاك
وبعـض البـشـر يخـســرعـشـانك مــلايين
خـلك مـثل شــيخ العـــرب كل مـن جــاك
يلـقـى الكــرم والطـــيب والعــفــو واللـين
عــش دنيـتك قــدوه عـسـى الرب يحـماك
عــش دنيـتك عـيشــه مــلوك وســلاطـين
لا تـرتجـــي للـنــاس لـو بلـت ظـــــــماك
اســـأل مـجـــربهـم عـطـــاك المـضـامـين
احـفـظ حـــقـوق الله وهــو يحـفـظ خـطاك
خـلك مع اهــل الحـــق والنصـــح والـدين
هـــــذي نصـــيحه تنفــعــك لاعـــدمــناك
خــــذها عـــسـاهـا تنــور القــلب والعــين
شعر
إبراهيم بن عبدالعزيز القدير