[عائشة الفزاري]

العُمانيين ربابنة البحار
//
هذه اللوحه البحرية عبارة عن خمسة فنون بحرية عُمانية
" خطْف الشراع ، الليوا ،المديمة ، النهّام ، الشوباني "
صغتُ كلماتها وجسدها مجموعة من الطلبة من مختلف
مدارس ومعاهد المنطقة بمناسبة العيد الوطني 35
لمناطق شمال الباطنه "
" خطف الشراع "

"يقول بن سالم "يقول
____ـ ان البحـر لـهْ ذكريات
يحتاج له قوة وعـزوم
____ هذي هــي اقـوال الرواة
ذي ديرة أبناء الأصول
____ فيهــا الكـرم جيّل وبات
بالعــز ياربي تدوم
____يحفظهـا من شــرّ العِـداة
الوصف ف القائد يطول
____ راعي المعانـي الوافيات
نسـل السلاطيـن القروم
_____ـ الْهـم رســومٍ باقيـات
يالله عسـى عمرك يطـول
___ـ_ تبقى ذخـر طول الحيـاة
وارواحنا عنـد اللـزوم
_____ فدوة ولانخشــى الممـات


- فن الليوا

زاهي ثـرى مَوْطنّـا
_والمجد بـه يتغنـّى
حنّا ترانا نصونه

"
قابوس عـلاّ شانـه
ـــ رسّـخ لنا بنيانه
كل المـلا يطرونـه

"
ساد الأمن"ف"بـلاده
ــ نسل الكرام الساده
الأعمار ترخص دونه

"
أضحى التطورشامـل
ـــ بين البلـد متكامل
كلٍ تشـوف عيونـه

"
ديـارنـا محـلاهـا
ـــ والله بهـا نتباهـى
كالـدُّرةالمكنـونه

" فن الليوا " 2

يالـروح يالمشتاقـة
_ نـار الهجـر حرّاقـه
ويل الشقي من عوقه

"
نهيّـل يالله نهـيّـل
_ رفعواالدّجَل لايميّـل
يالمركـب المطلوقـة

// 00 //

الغواص هـذا دوبـه
_ عمق البحر ويجوبـه
يزقر ويـن الرفاقة
"
شراعـنـا متعـلّـي
_يالكـوس يالمْطـلّـي
والبحر لـه عشّاقة

"
هـذا البحروعلومـه
_الأرزاق به مقسومـة
يصعب علينـا فراقـه

" فن المديمة "

"الكورس"
غرْزالبحر صعب قْياسه
"المصوت"

لو سولفـوا الرماّســة

"
حـنـا اصـدقــاءه ونـاســه
لـــو سـولـفـوا الـرمـاسـه

"
الـبـيـت يـبـنـى بـسـاسـه
لـــو سـولـفـوا الـرمّـاسـه

"
الـبـحـر نـعــرف بـاســه
لــو سـولـفـوا الـرمّـاسه

"
الـثــوب لــــه لـبّـاســه
لــو سـولـفـوا الـرمّـاسه

" فن النهاّم "

هيه -- ما شا الله كان

لـو تعرفـون القيمـه
ـــ أنـا ترانـي الشـاري
هيه -- ما شا الله كان
عْمان أغلـى قيمـه
ـــ واعتـز انـا بْدْيـاري
هيه -- ما شا الله كان

"
نـاح الحمـام وغنـى
__واستبشـرت لْبـلادي
هيه -- ما شا الله كان
وباسمـكـم قائـدنـا
___حنّـا ترانـا نْــادي
هيه -- ما شا الله كان

"
عيد الوطـن وقدومـه
___وقابـوس الله يدومـه
هيه -- ما شا الله كان
الأب وحـنّــا ولاده
__باني الوطن بعزومـه
هيه -- ما شا الله كان

"
ثلاثيـن عـامِ مـرّنْ
__وخمسٍ وراهن تالـي
هيه -- ما شا الله كان
___الحروف بك يتغنـّن
يامـن قدركـم عالـي
هيه -- ما شا الله كان

" فن الشوباني "

ياهـيـلا هـيـلا
ــــ دربي تراها طْويلة
وين انته يامضنوني

"
قلّتْ تراها الحيلـة
ـــ فكري ضايع دليله
تبكي عليك عيوني

"
المسافر يحب ليلـه
ـــــ ماقلتلـه يحليـلـه
وش حدّكم تنسوني

"
ويله المفارق ويله
ـــ يبغي يلاقي خليلـه
والحظ قصّـر دونـي



كلمات / عائشة عبدالله الفزاري
ألحان / تراث مطوّر
غناء / سامي الراس
التوزيع الموسيقي / علي الهاشلي