[ناصر بن سالم الهاشمي]

المشاركة الأصلية كتبت بواسطة محمد بن ضحي

جديدي//



هــمّـهـ

لا للقهر .. والذل ؛ بحرق دمّه
لا قلت ؛ ماني راجع بأقوالي..!!

(الأجودي) زاين بزين الذمّه
محفور فعله: الأولي والتالي

والا (الذميم): ان ذمني؛ ما اذمّه
اجر ولفاني .. من قفا عذالي

يا ناس: بعض الناس صارت: "رمّه"
دبّت .. وتنهش في عرض آمالي

اللي نوى بالشر ؛ خير يخمّه
ربّي (حكيم) ونيتي أعمالي

ربّي (حكيم) وخاطري (ما همّه)
مؤمن بأن: "اللي يكتبه جالي"

كم عاذل ن فجر (سكوتي) غمّه
كم (انتكاسه) ارفعتني عالي

كم هاجس ن (واهي) قدرت ادمّه
يا كم أنا دمّيت .. خيّب فالي

بي "همّه" تناطح سحاب الأمّه
و"رياح عذلي" م قدرت ع جبالي

اللي يبي "قدام" مش بكمّه
دمع المواقف والزمان الخالي

واللي يبي "البيرق" عرقه يشمّه
موتي ولا حرة كلام رجالي

واللي يبي "أمه" خذوه لأمّه
يمكن معاها ما يهاب العالي

محمد بن مرزوق بن ضحيّ

//عزيزي محمد//

000همتك اقوى واسمى من اي انتكاسة مفتعلة !! تظن بان المادة قد تصعد بها عاليا وهذا العلو هو كعلو الدخان كلما ارتفع تلاشى اما الاصالة تجدها مغروسة الجذور تسقى من نهر من التراث الذي لا ينضب وكلما نزح زاد ولا يتغير طعمه مهما تعاقبت عليه الايام 000

تقبل ثقل قلمي 000 ناااصر