الحب شيً(ن) مايقدر بالأثمان=يشعر به المخلص لقلبه هديه
لإنه يجي فجأه على قلب الإنسان=ويولد معه إحساس مافيه زيه
في وقتها يدمن على حبها إدمان=مايدري أنه طاح وأصبح ضحيه
ضريبته تبقى ولوكان غرقان=وبحر الهوى ماشاف منه الأذيه
هذا ترا حالي ولاني بندمان=في قلبها أسبح وأغوص بيديه
موطن لأحمد غير عن كل الأوطان=في ظلها عايش بعيشه هنيه
ميرا البلا حكم القدر كل ماشان=إليا طرا الواقع كواني بكيه
عادات في وجه المحبين عنوان=تفرض عليهم دون ذنب وخطيه
مافادهم قول النبي قو الإيمان=من يعتصم بالدين جته العطيه
بس الأكيد أني على مر الأزمان=ما أنساه لوسيقت علي المنيه
ياسلام عليك
ابيات جميلة وحضورك بقصيدة ممتعه ومعبرة
تسلم تسلم بالفعل تسلم ويعطيك العافية