يا قلبي سيبهم وارحل وش العبرة من التعذيب
م دامه عاش من دونك يصير تعيش من دونه
و جرح (ن) في خفايا الروح مع النسيان بكرة يطيب
ودمع (ن) هلته عينك مصيره تهله عيونه
ترى الدنيا مثل فرصه تصيب واحتمال تخيب
وشاطر من فهمها صح بدون افكار مجنونة
تمنيت الزمن يرجع وادور للوفا تعريب
واحاسب ذكريات امسي واعالج روح محزونة
ترى كثر الصفع يعمي العيون/ يزيدها تخريب
وانا عانيت من حبي ولا حصلت مضمونه
رسمت الحلم لي طفل (ن) نسيت ان الطفل بيشيب
وجيت من الألم اكتب قصيدة جرح موزونة
يقولون الوفا صادق وانا اقول الوفا تكذيب
وكم قلب (ن) وفا في الحب وفي الآخر يخونونه
تعلمت الصبر وادري اذا خابت فيوم تصيب
مصير الحب ينصفنا بعد ما زادت طعونه
يا قلبي سيبهم وارحل وش العبرة من التعذيب
م دامه عاش من دونك يصير تعيش من دونه