[خالد الحجي]

ويل قلبٍ مايطير والخواطر طايره ....
ملٌ جنحانه كسير والتجارب خايبه.

وقف بحدٌ المسافه بين حظ وعاثره ...
عند حبه للجديد وويل نفسٍ طايبه.

ماضي ٍ يجدل سنينه مع سنينٍ غابره...
وعاجز كل امنياته اف حظوظه ذايبه.

آه من آهٍ دفين قام يزهر باذره ...
تنبت الشوكه بعيني والزهر للغايبه.

هوغياب إمفارقه؟ والاٌبعد مهاجره؟ ...
حاير فيها وضايع فالحلول الصايبه.

استحلت ثم ولت يوم جتني غايره ...
فزعت نخوة جروحي ثم تعدت تايبه.

سارت بكل الهدوء وكنها بي عابره ...
والسبيل اللي تقطع ماتعبره هايبه.

خافت تعد البياض فالسنين الساخره...
مثل شعري هالنوايا نيتي بك شايبه.

وين نياتٍ بشعرك في سوادٍ خابره ...
لأنتثر ليلٍ بشعرك والقمر اف جانبه.

طار مكسور النواهض اف سماك العاشره ...
حلَق افجوك يغامر لو تجيه النايبه.

شال جنحانه يكابر والبلا فمكابره ...
مل ارضه مستضيق والجوانح عايبه.



خالد الحجي (خالدها)