[علي المقبالي]

معاذير


يا ما ارتوت الاقدار من دمع الاحباب
ويا ما احتوت القلوب هم ومصابي


ويا ما انكسر حلم به العاشق انساب
وخبت عقب سير طويل الركابي


مادري القدر حكمه على الناس غلاب
ولا الهوى طبعه هموم وعذابي


ما كل من نهواه يهوى لنا اسباب
وما كل من يهوى هوانا نحابي


بعض الهوى يسقي المحابيب الاطياب
وبعض الهوى يسقي القلوب اغترابي


والصقر لو جرح الهوى فيه ما طاب
يبقى شموخه عاليا ما يهابي