مرت ليالي العيد ما عبروني
والقلب يتراقص على حر وقاد
مرات يشعل والمدامع هجوني
ومرات من بالي أدور لي أبلاد
أقول يمكن هالحبايب نسوني
ضنون بي تاخذ وتعطي وتزداد
من كثر ما وقفوا بقربي ودوني
خطير دخلوا بالتفاصيل حساد
أحن لكن وينهم يفهموني
قلبي عشانه مقيدنه بالاصفاد
دعوه تعالوا تصفحوها ضنوني
جايز تلاقوا بيننا شي ميعاد
أحلم على شوفه أكحل عيوني
وخوفي على حلمي يقابله ببعاد
كثير والله م البشر عاتبوني
لا النوم يهنالي ولا لقمة الزاد
مجنون فيه ويستر الله جنوني
خوفي على شوقي يقابله بجهاد
لا طاعني صبري ولا حال دوني
واسمع حكي(لوليد يمشي بلا فواد)
كني أشوف أنفاسهم ودعوني
والوقت صاير لي من الشوق جلاد
عفت المسير ولا وصلت ولقوني
من بعد قولة سير حنا لك سناد
ما جاء على بالي أبد يخذلوني
لني سمعت بشوفتي عيد ميلاد
والعيد فيه وفيه ياما نسوني
لكن أرجح أنه عناد ف عناد..............
سالم الريسي