[ياسر بن حمد]

لا تسلني

لا تسلني عن هوىٍ بِيْدك قتلته
يا حبيب الأمس اوهنت المسير

جيتك ما تعيضني حقٍ سلبته
وين حق الدمع او رجوى الضمير

اعترف لك مااْنته اول من عرفته
يكيد لي كيد الأعادي بلا نذير

ولا اْنته اول من يحطمني بنظرته
ويوهم القلب المعنا بالكثير

اوهمتني يسامحك ربٍ عبدته
وعلها ايام عمرك تستنير

كنت عندي ف العمر دربٍ سلكته
كنت عيني وقلبي المضنى الضرير

وكنت اغالط فيك ما شفت وسمعته
ولك ادور عن عذر وانا بسعير

كان ظني فيوم يحظى من بعدته
ابودادك بعد كل كاسٍ مرير

ابتعد ما عدت حلمي اللي نطرته
لا ولا عاد القلب يقوى يشير

اْلدروبك يخجله دمعٍ سكبته
وتخجله آنات تصرخ تستجير