حـكـاوي شـوق

الشوق طفل(ن) عابث(ن) ما بعد راق
لا شاغب فـ قلبي حضنته أهدّيــه ..

ايبعثر ألعابه من البـعد لا ضـاق
لين الزعـل يبـرك على صدر مغليــــه ..

الوقت والذكـرى وصرخات الاعواق
ألعابه اللي لا تــذكر تسليــــــه ..

إن نـام غفيتّه من الـوجـد بـ عنـــاق
البعـد بحـره والمحانـــي شواطيـــة ..

تغفى عيـونه من تعبــــها ولا فــــاق
يجلس يبعثر قلـب في قبضه يديـه ..

يلعب ولا يدري وش اللي بالأعماق
يهذي حكاوي شوق من زود ما فيه ..


يـحضن ملامـح عشق والصدر ما طاق
لين النفس يلهـث وما عاد يمـديه ..

يبكـي ويرجـف مثلــما رجفــة أوراق
لا عاثت ريـاح المواســم طواريــــه ..

واتبع مسير بـكاه مجنون منساق ..
جنن صــوابي وجننتني خطـــــاويه ..

وأرضي غـروره لا تشـّـره ، وبـرفـاق
أمشي معه بالهون تأتيه تأتيه ..

ولا من زعل هاذي متاهـات الأحداق
ضميتــه فـ عيني ولا قلت يكفيـــــه..

غنيت له هـايم سلك درب عشــاق ..
وأذنـي تلبــي تستمع له غنـــــــاويه ..


شـ أقول له لا عـاث فـ القلب أشواق!!
وشـ أقول لا من تمتمت لي حـكاويـــــه ..


طفل(ن) وضايق لا من اشتاق اشتاق
ولا حـانت الفرقـى يـمد لي أيــــــاديه ..

أصعب مفــارق يوم لــوّحت بـ فراق
قولة فمـان الله وتصيــــح أغليــــــه !!!


ومـادام شوقي طفــل لـ الشوف توّاق
جمّعت له لألـعاب من شأن أرضيه ..



أختـكم ..


شيخه العريمي