مقصب رزحه
السلام عليكم واسعد الله مسائكم هذا مقصب رزحه بيني وبين الشاعر خميس الهاشمي ولد حبيب
خميس الهاشمي هلل علينا هلل ميزان الحروف اشوفه يصاحب مرسالك وقف هيش اللي منعكم ماضني الضروف ولا فوادك شاغل عملات الصرف عبدالله الراسبي يامرحبا من صاغ صيغان الطروف راعي المعاني والمراتب والشرف لي مشغلني الصاحب شيفات الهنوف بوصف جماله لكن بعجز فالوصف خميس الهاشمي هذه تراها اطباعك وخاطرك ملهوف بسك يا ولدي م الدلال وم الترف الدنيا دنيه وخذها بالسياسه وروف بطيحبك صرها ف مهابيطن عجف عبدالله الراسبي انته يصاحب قلبك متهزه الخفوف بونه فوادك جاسي ومزيود بصجف وانا فوادي ترفي وزايد فالتروف بعدي ف نشوة عمري ولا وصلت النصف خميس الهاشمي روحي فوادي واجع ماخذني بروف امشي بدرب الود ونوعي مختلف واذا حسبتك شيبه ترا بعدني نصوف وعندي من انواع عملات وصرف عبدالله الراسبي بونك يا مهوي يلك فالبيداء صفوف اشهد شهاده يلك فالخاطر ملف طلجها القريحه وخليها البطاح اتزوف اكرم علينا انصوغ صيغان التحف خميس الهاشمي انته المعلم وانا تلميذ الصفوف هيد يا استاذي تراني ما نجحت بصف ودي اقدم عندك في خبرة صروف وخلنا انتعلم منك كل صرفن بصرف عبدالله الراسبي انته فكلامك صيغة عاقلن معروف بارد على الخاطر وابرد م البرف الشاهد الله انك مدرسن موصوف متكريسن صوغك وصوغك محترف انتهى المقصب وعذرونا على التقصير وسلامتكم |
شكرا عبدالله الراسبي على مشاركتك واهلا وسهلا بك في منتديات السلطنة الأدبية .
دمت بخير |
اقتباس:
مثل كلمة <<ال صفوف >> << صفوف >> أرجو التوضيح من أصحاب الخبره؟؟؟؟؟؟؟؟؟ |
اقتباس:
مرحبا عزيزي ماشاء الله عليك عندك قوة ملاحظه جميله شوف عزيزي هنا يعتبر تدويس اذا كانت الكلمه تحمل نفس المعنى بس معناي انا اقصد به صف الرزحه والشاعر الثاني كان معناه صف المدرسه حتى ان كلامي انا اقول فالبيداء صفوف يعني اقصد به صف الرزحه وكلام الشاعر الثاني يقول تلميذ الصفوف اي انه يقصد صف المدرسه وهنا لا يعتبر تدويس وانما الافضل من الشاعر ان ياخذ احتياطه لتفادي هذه التشابهات ولك شكري عزيزي سؤال جميل جدا وتقبل تحياتي |
اقتباس:
وكل شي جايز |
اقتباس:
حتى ولو كان عزيزي هناك يختلف المعنى وتقبل تحياتي |
صح لسانكم عبداللة ما قصرتو كلام جميل جدا تقبل مروري |
يمكن انه اختلاف المناطق يغير شئ من المفاهيم / في منطقة الباطنة يعتبرونة تدويس/ بس سالت واحد من الشرقية واحد من الاخوان الشياب قال يستوي بتغير المعنى /لانكم هل الباطنة تحبون الصعب ولاتتساهلون والاخوان الطف منكم/ ماقصرت الشاعر عبدالله ويالاخو او الولد / حاول تتجنب المشاركات التي فيها متشابهات وماعليك زود وتقبل من شايبك |
اقتباس:
مرحبا بالوالد العزيز وانت ما عليك زود طال عمرك ولك كل شكري وتقبل تحياتي |
الساعة الآن 10:34 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir