الهاجس
 

في هاجسي اشياء كثيرة ودي انطقها وابوح

وفي هاجسي حقيقة حبيت لك اشرحها

مادريت يالغالي من غيابك خليت الجروح

وماعرفت بغيابك اتركت النجوم بسهرها

صاحبي لك حب مني لو يجيك ماعمره يروح

ولك غلا لو تدري عشانك اتركت الدنيا وبشرها

ابشر صاحبي جيتك وانا كلي وفاء وطموح

ابنثر حروفي بصمت واخليك من الغلا تسمعها

واشعل الدنيا عبير ومن غلاتك يفوح

وبصبر على غيابك مثل ماصبرت النار بجمرها

فرشت لك اضلوعي وطن والقلب لك مشروح

ورسمت طيفك على لوحة وبدمي حبرها

صاحبي ودي اجيك وانتثر فيك بصدق وصروح

مشتاقلك بالحيل مثل شوق الارض الى مطرها

صديقي هذا قصيدي وهذا جزء من البوح

واضل اعزك واعزك لانك غير عن الدنيا وبشرها

ياخي ماصارت ماحد يريد يعلق على قصيدتي

بقايا الحب

صح لسانك وعلا شانك...

وشكرا على تواجدك

وشكرا على احساسك الجميل

في داخلك شاعر جميل

فقط بعض النقاط التي لابد ان تهتم فيها:

1- الوزن:تختلال الوزن في معظم ابيات القصيده ويضبط الوزن اما باللحن او التفعيله العروضيه

2- تركيب الجملة الشعريه..واسلوب الخطاب الموجه في القصيده-- فيفضل ان يكون الخطاب بنفس ضمير المخاطب لكي لا يخلق التشتت

3- لابد من القراءه والاطلاع كثيرااا للشعر ومفاهيمه,,,

تأكد انك تحمل الكثير

واتمنى لك التوفيق

بقايا الحب
شكرا لتواجدك بيننا

وشكرا للشاعر صالح الحاتمي على التوضيح والصراحه الجميله

خذ ب نصائح الحاتمي خذ الوقت الكافي
لتهاجم الساحه بقصائد جزله وأقوى
ننتظر جديدك لنرى الفارق
تحياتي

اخوي ابيات جميلة واتمنا لك التقدم ان شاءالله

واصل المسير في هذا المنتدى وخذ برأي الشعراء ذوي الخبرة المتواجدين بالمنتدى