|
غلطـــة عمــــــــر
السلام عليكـم ..مشاركـة بسيطـة في هذا المنتدى الراقي .. عالـوعـد أنطـر حضـوركـ قلت لي راجـع أنـا وينكـ أنتـه ياعـذابي صـار لي عـام أنتظـر .. الخريف الي جمعنا طـاحت أوراقـه بنـا مـن جفـا ريح الغيـاب اللي بـدا وقت السفـر ... والشتـا فاضت مزونـه ليـن بللنـيْ العنـا والربيع أحيـا زهـوره لجـل تسعـد هالبشـر ... شفـت حتى الصيف حلّ وجـاب حـرّه والسنـا وأنت لاهي في غيـابكـ مول لا حسّ وخبـر ... كم سهـرت الليل ارقب ضي فجـركـ والمنى بسّ ليلي حيـل طوّل وآنـاْ أتعبنيْ السهـر ... كلّ ما قلت اللقـا قرّب ومـوعدنـا دنـا أنصـدم فـ الواقع اللي يملي الخافق قهـر ... واقع ن يشهـد بـ أنّكـ عايش ف خير وهنـا حيل مرتاح فـ غيابي والهـوى عنـدكـ ثمـر ... آه يا ماخذ فؤادي كيف تدفـن حبّنـا في حمـاقة قلبكـ الخايـن وقلبي في خطـر؟ ... غلطـتي صدّقت كـاذب (في حيـاني قد جنـا) غلطتي أجبرت نفسـي ع الأمـل وآناْ احْتضـر ... ياحســـافة ضاع وقتـي لين إحسـاسي فنـا معْك يا مطفي شموع الودّ والخافي ظهـر ... للأسف ماقد هقيت إنّك تدوّر بأسنـا وإنّ حبّكـ وأنتظاركـ كان لي غلطة عمـر ...أنيــــــــــن ... |
أنين... صح السانك وعلا شانك صراحه قصيده رائعه جدا ماعليك زود أيها الشاعر |
السلام عليكم ورحمة الله وبركاته..
الأخت الراقيه والمتميزه حضور أنين، اهلا بك شعرا سيدتي وانضمامك للسلطنة الأدبيه اضافه حقيقيه بلا شك ونفخر به وسعيدين وتكبر به الآمال قصيده بها من أسمك الكثير وشعور بالرغم من الحسره والحزن إلا ان مساحاته تتسم بجماليات تكسب النص تميز عساها آخر همومك شاعرتنا ابهرتني حضورا هناك واكرمتي الذائقه من جديد هنا بارك الله أوقاتك وأسعدك بأذنه، احترامي وتقديري |
صح السانك أنين كلمات جميله وحروف براقه وإبداع لايعرفه إلا المتمرسون في الشعر . |
عالـوعـد أنطـر حضـوركـ قلت لي راجـع أنـا وينكـ أنتـه ياعـذابي صـار لي عـام أنتظـر مساء الجمـــااال جمال فـي المشاعـر و المعانـيه ................... سحْر الصدْق في صور البيان انين انت ِ رائعه بل أكثر |
الله عليك يا أنين
صح الله لسانك .. قصيده فيها من الابداع الكثير كـ لغه و كــ تركيب وكــ معنى أبدعت وما عليك زود .. دمت بود |
ادهشني النص ..
اتمنى لك اقامة جميلة هنا بيننا .. ودي الكبير غصون |
كنت أتمنى أنا وأقراء هذا النص أن أجد إسم كاتب هذا النص الباذخ أعجبني هذا البيت كثيرا : الخريف الي جمعنا طـاحت أوراقـه بنـا مـن جفـا ريح الغيـاب اللي بـدا وقت السفـر شكرا لك سيدتي هنا على الشعر لك التحية هيثم |
الرائعة أنين...
الله الله على هذا النص ؛إبداع في إبداع. يكفي أن أصمت ؛ تقبلي بصدر رحب....... |
" أنين " سعــيد بتواجدك هُنـــاااا وتعريفك بنفســــــــك بهذا النص الذي يطغى عليــه الجمـال الأنثوي صح الله لســـانك على هكذا نص طـــااااب يومك |
| الساعة الآن 02:36 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir