|
أولى مشاركه لي في الموقع..
السلام عليكم أخواني أعضاء ومشرفي منتدى السلطنة الأدبيه,, بصراحه موقع أكثر من رائع والموقع لو قلت بأنه "عجبني" أشوف هالكلمه شوي..
جيت بقدم قصيدة, بس بصراحه مدري بتكون ف المستوى أو لأ,, المهم أتمنى من شعرائنا التقييم,, [center][b]" مرثية حمد" قيتار حزني ياحمد يعزف بذكراك وأنغام موتي على ماجاك تتسطر مانسيتك لحظه لاوربي شلون أبنساك وروحي كلما بغت تنسى ترجع وتتذكر من سنة الفين وفوقها سنتين تطراك ثمان سنين مرت معاها حالي تعسر ثمان سنين وروحي فيها عيت تناساك والقلب من زود مافيه احساسه تخدر ياكيف هالموت على سن ال15 وافاك القدر أحكام بس الموت أحكامه أكبر الا ياليت الموت خذاني ولا منا خذاك والا ياليت لي قلب"ن" على فرقاك يتصبر كل دمعه من دموعي ترسم غلاك وكل حرف"ن" من قصيدي باسمك تعطر حزن"ن" عل في روحي من بعد فرقاك مدري شقا ولا الشقا في نفسي تكسر أحيان أبكي من الهم كل مامر طرياك وأحيان أمسح الدمعه وأقول بتصبر كرهتك يازمن دام هذي فينا سواياك وقطعتك يافرح دام الفرح بدربي تعثر طعنات الحزن في داخل الروح أشواك والمصيبه ياحمد اني في حقك مقصر تعبت أخنق العبره وأنا حالي بلياك مثل طفل"ن" فقد أمه ومات متحسر تعبت اطيح واقوم وانا على ماجاك كلما هبت الذكرى احساسي تكدر اكتب قصيدي ياحمد والسبب ذكراك ويا خوي غلاك من الشعر تراه اكبر جعل روحك ساكنه والفردوس منصاك وياليت لحظه قلبي على اللي جاه يصبر جيتار حزني ياحمد يعزف بذكراك ودموع عيني على طاريك تتسطر مانسيتك لحظه لاوربي كيف أبنساك وأنا كلما بغيت أنسى أرجع وأتذكر ولكم جزيل الشكر...[/b] |
أهلاً أخي بك هنا .... لست بالخبره التي تعطيني الحق بتقييم قصيدتك وأترك المجال لأخواتي من سبقوني في هذا المجال تقبل مروري أخي وصح لسانك |
شكرا لك أختي ع المرور,,,
اطلاعك ع القصيده بحد ذاته تشكري عليه.. |
اقتباس:
الله يرحم حمد ... ويعوض شبابه الجنه العوفي .. تراني هشه في المرثيات ... والدمعه تخوني .. وقصيدتك حركت فيني الكثير والدليل انها قصيده جيده اثرت في المتلقي اترك النقد للشعراء الكبار وحياك الله معنا |
ونحن هنا في منتديات السلطنه الأدبيه نشاطرك الألم أخي العوفي ورحم الله حمد رحمةٍ واسعه .. وأسكنه فسيح جناته .. ليس أبلغ من الموتِ موعظه.... ولن أزيد على حروفي هنا بإنتقاد... بل أجعل من القصيده نموذجاً للرثاء.... بارك الله فيك أخي العوفي .... وأنزلك الله منازل الصالحين... |
الله يرحم حمد ويدخله الجنة يا رب والله يلهمكم الصبر اخي العوفي الحزن والواقع في القصيدة اكبر من ان ازيد لك التحية |
هلا بالعزيز
هلا ومرحبا بك أخي قصيدة .. معبرة .. وتستحق الشكر عليها .. فيها من الوفاء.. ما يلجم النقد .. رحم الله حمد وأسكنه الجنه و جمعك الله به فالجنه .. يارب .. لك تقديري تحيه // |
اقتباس:
أجدد شكري لك,, |
اقتباس:
أستاذي "أبو سامي" تسلم ع المرور,,و أشكر لك هذه الروح الأخوية... شكرا لك أستاذي وانشاء الله دوم هالأخوة .. |
اقتباس:
آمين يارب العالمين... تشكر أخي علي على تواجدك ومرورك ع القصيدة بحد ذاته يكفي... تحياتي لك أبو حسين.. |
| الساعة الآن 10:18 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir