منتديات السلطنة الأدبية

عدنـــــــــــــــي ...

@عدني إذا قل اللقا ما يوم تتكدر
وأوعدك أبقى متى ما شيت تلقاني
@لا تترك أحزانك على الخدين تتحدر
لو مقلة الشوق جفت إلى الموت تحياني
@تذكر بلا موعد لقيتك ..كنت تتدثر
في معطفك والشمس خلفك على عياني
@ومدري علي بردك تلاشى ولا أثر
ولا شتاك البارد أقفى ولا جاني
@لا تستوي غصن جفاه الماي واتكسر
ويذبل الورد المزهي ناظر أعياني
@خلك مثل ما إنت شامخ ومتكبر
لو شفتني مبعد ترا ما شفت بك ثاني
@عمر بقلبي على كيف كيفك ودمر
لا يصعبك حالي ولا تهتم في شاني
@القلب أرضك وازرع به بذورك ونثر
واسمع صداه يقول لك "يا حي سكاني"
@يا غيمة مدري متى باحمالها تمطر
ومتى يقول الضامي اليوم روياني
@عدني على طول الزمان المر تتصبر
شفني إذا قل اللقا ما قل إيماني
@لا تسمع العذل مدام الكاين مقدر
تسكن على رغم النوى رمشي وأجفاني
@لو حلم الأيام ولى ولا حق وتفسر
ساسك قوي ما ينهدم لو حل بركاني
@يا مطوق قلبي بذاك السور المسور
ذي كفتك ما تنوزن يالزين باثماني
@خذ صادق القول مني وخل لمبهر
واسمع كلام حكابه عن قلبي لساني
@احكم بشور يعجبك ثم غير وقرر
وإني بغيرك مقبله ع القلب سلطاني
@كني بشوفك والد باولاده مبشر
وكني بغيرك للأسف ضيعت أوطاني
@شف نور الأمل في عتمة الليل نور
لين استنارت يوم نور كل الأركاني