ما عاد جدوى .. قصيدة متواضعه ..لعشاق المشاكسه ..
24 – ما عاد جدوى ردّوا على المتْبخْتره ابْمشيتها ما عاد جدوى في دلع مشياتها لنّ الصباوه للكبر خلّتها واسْتهلكت فالمعركه جولاتها إتْأخّرت لين اعْرفت بيئتها واخْبر تحرّرها بقل خبراتها وامْسى نتاج ازْروعها يبهتها يوم احْصدت بعد المدى بذراتها واللي بقى من حاصل ابْسلّتها ما بلّ ريج امْدوّرن ميزاتها كانت تهيب الناس في وقفتها هم العنوسه ما خطر في ذاتها بيّام كم عينن غصب عنّتها تجمع بطرف امْناظرن أشتاتها حتىّ العيون الخاشعه تلفتها واتْشنّف الآذان من أصواتها كم بيّتت عشّاق في سكرتها تقطع هُدُوّ الليل من آهاتها تجهش بنوح وْ تنسكب عبرتها ليت اللقى باللي يطيب اسْباتها وتْغار منها أمّها وْ خالتها من حسنها أعمى الرّجيم امْهاتها للْيوم توخز فالقلب حالتها من رحمته قاصر يقل قم هاتها تخبر مناظرها بقل حيلتها وانّ القطار اللّي ازْعموا قد فاتها وانّ الظّنون السود قد لفّتها في باقتن ذبلانتن ورداتها وانّ المواكب لي قبل زفّتها ما عاد فيها واعدن بمْلاتها(1) وانّ الشموخ اللي مشط قصّتها بيّام كانت هانيه بوقاتها(2) امْسى انْكسارن ساكنن جثّتها يوشي بها كنّه وكيل وْشاتها حتّى جبرني أكتب افْسيرتها ووصف مصايب ذا الزمان لْجاتها ماني بشامت بس أبي أثبتها قصّه لعلي ناقذن شرواتها يا سيّده توقف ولا يمّتها ما غير ذكرى لرّبيع اتْباتها لي نظرتن ما طابني أكبتها بملاطفه يمْنكّسه راياتها(3) بانّ الثّمار النّاضجه ساعتها حزّ الكفوف اتْطاولت باعاتها إمّا تّدنّا من على شجرتها وامّا الكتوف اتْنزّل اذْراعاتها |
حتىّ العيون الخاشعه تلفتها واتْشنّف الآذان من أصواتها كم بيّتت عشّاق في سكرتها تقطع هُدُوّ الليل من آهاتها ماعليك زود يالحمداني صح السانك وننتظر جديدك الرائع... واصل فنحن بالقرب |
السموحه أبو سامي .. عاد ما كان عندي فكره .. عن فوادك لرهيّف .. إحترامي لك يا صاحبي وأتشرف بمشاركتك ومرورك ..
|
إلى الأمام أخي خالد .. وصح لسانك |
جميل أسلوب معالجة هذي المشكلة
واصل يا خالد |
صح لسانك اخ خالد على هالمشاكسه الجميله.. تحياتي لك..خالد العمري..(ظفار) |
أنتظر .. المزيد من المشاركات ... والكثير من النقاش ....
|
الحمداني انت تمتلك لغة شعرية جميلة تمكنك من ترويض المفردة في خدمة الغرض العام للقصيدة جميل جدا يا خالد ولكن انتبه يا صديقي فقد يجد المتلقي احياناً صعوبة في فهم المعنى المقصود جميل انت يا خالد في حضورك الشعري تحياتي سعيد الفطيسي |
الساعة الآن 09:45 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir