|
((** دلاخـه **)) واقع معاصر ،،
السلام عليكم ورحمة الله وبركاتة
شلونكم شخباركم يا أحلا اعضاء بمنتدى اول شي العذر والسموحه للجميع عن الغياب والسبب هو زحمة ترتيبات العرس ف ما الاقي وقت كفاية للنت ،، جايب لكم قصيدة يعني مدري شقول عن الوضع اللي قاعد اشوفه واسمعه كل يوم الناس وين كانت وشون صارت الحين " الا من رحم الله منهم " مابي احرق عليكم القصيدة واضحه بتعرفون منها كل شي ،،، ملاحظات:دلاخه = الغباء المطلق / فيافي = الصحاري / الرزيله = كلمة قطريه تعني وقحه يقووول ضاقت فيافي هالقلب من فضاعه مبطي على كتمانها لـو فشــيله عصر الدلاخــه والغـباوه جماعه في روس مـن خلّو غباهم فضيلة هي مثل الاندومي عـلاقة مياعه مـن يستوي لي تـاكله لي تـشيله مـا ينرجي منّه شبـع في مــجـاعه ذا حبّ من شـات و مسن او مثيله هذي تنادي بالحكي للخلاعه وهذا يلبّي بالكذب له وسيلة وكلّن سلك له في حياته صناعه صار السنع هاليوم عملة قلـيله يا مكثـر البويات في هالضياعه حتّى شبــاب اليـوم وا عزّتي له ناسن من المبدا تسوي بضـاعه لين الوفاء قد صار عـادة دخيلة متزوّجة تسهر تخـاوي ضباعه ومتزوّجن سافر يراقص ذليله ملّيت من وقتن يــروّج صياعه صار الزمن حافـل بناسن رزيله ناسن بتزعل من قصيدي لكاعه وش دخله؟ ماله دخل! وش دليله؟ شيّن قهرني ما قدرت ابتلاعه بسكم دلاخه وتـركو هالرذيلة وسلامتكم ،،،، |
:) " الله الله على هالجمال " ما اروعك في هذا النص رساله واتمنى ان تصل الى تلك القلوب |
بصراحه الأبيات روعه |
أولاً تشكر أخي مزابن الدمعه قصيده جميله ورساله نبيله صح السانك ماعليك زود ثانياً معذور عن الغياب بشرط التواصل معنا ثالثاً مبروك على الزواج وهذا ما أستشفه من كلامك وكلّن سلك له في حياته صناعه صار السنع هاليوم عملة قلـيله يا مكثـر البويات في هالضياعه حتّى شبــاب اليـوم وا عزّتي له تسلم على القصيده وننتظر جديدك فلاتحرمنا |
اقتباس:
هلا والله بنورس عمان الجميل ،، وانت الاجمل اخوي والاورع صح الله بدانك اخوي وان شاء الله توصل الرساله وخلك قريب ان شاء الله وتشوف كل جديد |
اقتباس:
اهلين نوره نورتي الصفحات اختي ،،، الله حيج وووجودج الاروع كلج نظر اختي ،،، خلج قريب ولا تحرمينا وجودج بالصفحات |
دائما ما يكون الواقع علامة استفهام محيرة
مبدع انت هنا اخي مزابن الدمعة وانا اقول ما ساد غلب عليه الفساد وصح لسانك قضايا مجتمعنا تحتاج لوقفة واتمنى طرح مثل هذه المشاكل |
بعيد عن النص تراني عندي فضول بيذبحني آي عرس ؟ و وين العزيمه ؟ |
صح الله لسانك
قصيده جزلة ما شاء الله تقبل مروري |
اقتباس:
هلا وغلا والله بـ ابو سامي ،،، صح الله بدانك الغالي . واغياب ماهو بيدي الشيخ والله يبارك فيك ان شاء الله العرس ان شاء الله تاريخ 14/7/2010 في ولاية صور وكلكم امعزومين وان شاء الله انكون على تواصل |
| الساعة الآن 10:01 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir