منتديات السلطنة الأدبية - أنا هاليوم أدعي لك

أحبتي الكرام وأساتذتي
إليكم بعض من خربشاتي

ياللي بالعتب جيتي وبقسوة رميتي اللــــوم
نسيتي ما حصل منك نسيتي مجمل الغلطات

خافي الله يابنية وخافي من لقاه بيوم
فيه المال ماينفع ما غير الديـــن والحسنات

قبل لا تظلمي نفسك تعالي نكشف المكتوم
هدي شوي من روعك ونركز على الحسبات

هدي ثورتك هدي وهذي عادتك لـــــي دوم
دخيلك بس بنت الناس يكفي كــل هالزلات

تعالي نشوف نحسبهابحسبة ظالم ومظلــــوم
نقلب صفحة الماضي يالله نقلـــب ملفـــــات

نخلي الناس تنصفنا من حارم ومن محروم
تعالي بس نحسبها حساب ثوانــي واللحظات

من هو سهر الثاني وحرم عينه لذة النـــــوم
من هو لي قضى ليله وعياه السهر ما بات

تذكري جيتك بليلة وأنا كلي كــــــدر وهموم
جيت من العنا ضايع وتسيل بخـدي الدمعات

أقول لك يا بعد عمري أنا محتاج لك هاليوم
أسولف والبكى يسبق مني وتاهـت الكلمات

ترجيتك توسلتك وأنا في بحر دمعي أعوم
وعبرة تتلي العبرة وكم تخنقنــــي العبرات

توسلتك تسمعيني وأناكلي رجـــــا ومعشوم
تركت الناس مجملها جيتك أنتي بس بالذات

جيتك أعتدر غلطان ماني من الغلط معصوم
طلبتك ننسى الماضي ولاننظر للـي فات

جوابك كان لي قاسي مثل السهم لي مسموم
قلتي أبتعد أنته شخص في حياتي ومات

غلقتي الباب وبوجهي وليلي حالك معتوم
في عزالشتا القاسي يذريني المطـــــر نفات

رجعت والأمل خايب كستني خيبـــة المهزوم
شربت الغدر من كاسك ألا يامحلـك الجرعات

رجعت بما بقى مني وأنابكف الغدر ملطوم
أندب حظي العاثر وأتحرق صدري الآهات

ياما تاهت أفكاري ومن اللي حصل مصدوم
مشيت بدون لا أشعــرقطعت أميال ومسافات

بعدت بعيد عن دنياك أعيش بعزتي محشوم
و ترجيته إله الكون يجيني هـــادم اللذات

عشت بوحدتي راضي بكل حظــي والمقسوم
ورب الكون قدرني على النسيـــان للفعلات

تمر أيام ويا سنين وقدرت أرمــــم المهدوم
ويدور الزمن ويعود وربي يغيـــــر الحالات

غدر بك كل أحبابك غديتي بكل خبر وعلوم
وقعتي بحفرةأفعالك جازوك بعذل وشمات

وبرغم اللي حصل منك وكثرة فعلك المشؤوم
تجيني تطلبي أسامح تكسي ثغرك البسمات

عودي لوين ما جيتي ماني لشوفتك ملزوم
زمان أول ترى تحول أبد ما أعود للعثرات

بقديم العصر قالوها وخلوها خبر وعلوم
لديغ الداب يتحذر وتجيه من الحبل جفلات

وتراه الحر لي هو حرخبره ضاهر ومعلوم
واللي ينلدغ من سرب أبدما يعيدها الكرات

روحي رجلك تشلك لدارن ما بهامن غيوم
لسيحن أجلد خاوي بلا شجرن ولا ظلات

ترابي ماهو ترابك ولالك في سماي نجوم
ولالي حيل أو قوة على تكرارها الصدمات

غناني الله عن حبك وعشت بقدرته منعوم
روحي أبعدي عني يا جعلك دوم بالعثرات

كفاني ما جرى منك فعلك بالقلب مرسوم
أنا منساها أفعالك مادام القلب به نبضات

أنا هاليوم أدعي لك بنومه في قبر مهدوم
و عساه يكون ثعبانه عليك يكثر اللدغات

موتي ياعساه يكون كل الطير عليك يحوم
ولا يبقى من عظامك ولاحتي قليل رفات

ألا يا سامع الدعوات يا رحمن يا قيوم
دخيلك يا عظيم الشان رجيتك لبي الدعوات

أنت العالم بما بي بكل مخفي وكل مكتوم
الا يا منصف عبيده نصفني منها بالذات

تحيتي الخالصة لكل من مر من هنا