منتديات السلطنة الأدبية

بِئْسِ الْمَرَةْ مِتنمّرّةْ
..............عَ عْيالَها مِتْشَطّرَهْ

ما حَدْ سِلَمْ مِن يَدّها
...........كِلِ مِنْ تُطُولَهْ ادّمَرَهْ

تِكْفي بِدانَةْ قَدّها
.............مثلِ الجبلْ مِتحدّرَهْ

طَبْعِ الفُضولِ يْشدّها
.................ويردّها مِتْعكّرهْ

كلّ الخلايقْ ضِدّها
.............طُولِ الْعُمُرْ مِتْوَتّرَهْ

تِهْذي وِتِفْشي سَدّها
..............بين الملا بالثّرْثُرَهْ

في الدّينِ بِلْغتْ حَدّها
..............في ساعِتِهْ مِتنكّرَهْ

تِحْلِفْ يمينِ يْهدّها
................ما تنثني مِتْعَذّرَهْ

في هَزْلَها في جِدّها
............كلّ الحكاوي مْزوّرَهْ

إلْها عُيونِ تْمِدّها
................ولِتِظرِهْ بَتْكسّرَهْ

كِلّ الأذى ما سَدّها
..............مِنْ بَعْلها متْذمّرَهْ

صابرْ وْراجي وُدّها
..............تُقْلبْ عليهْ مِتْغيّرَهْ

تْقُولِ ماكِلْ كَدّها
...........منْ شُوفِتِهْ مِضَجِرَهْ

أطباعِ سُوءِ نْعِدّها
...............أحوالها متعسره

ما شيْ أملْ في رَدّها
...........قلبُ وْإِذِنْ مِتْسَكّرَهْ

أم عمر
3-11-2017م