كــــــف بـــوْاب

اللـيـل أسـدل كـل جـناحـيـنه اعـتـاب
واْنـا وقــــفــت وكــل شـيءٍ دعــاني

يْـقـول جـنـح اللـيـل قـرب لي الـبـاب
وأنـا أقـول الـبـاب حــضــن الأمـاني

واللـيل باب الـفجـر والحارس احـباب
خـلـف الجـفـن يسكـن ولا جاك عاني

واللـيـل ذنـب الشـمـس لاشافهـا غـاب
ومـضـى يــرتّــلْ تـوبـتــه في زمـاني

ويْـزيـد سجـن الحرف في دفة اْكـتاب
والحـرف طـفــلٍ طالـب الـنـور ثـاني

والليل راهب عشق في صومعة شاب
زهــدٍ يــعـد اْنـجـوم والـصـبـح جـاني

ومسى يبـيع الشـوق والشاري اهـداب
عـــــدّى ومـر بـسـلعـتـه فـي أوانـــي

يالليل وجه النور في صورة اْحجاب
نادى الشـعـاع وذاب شـمـع الـمحاني

واْنا لـمـسـت الليل وكـفوفه أخضاب
حـاولــت أهـدّي فـزعـتـه لـو ثــوانـي

صـد وترك إيدي ترى ذاك لي جاب
خـلـفي وأنا راحـل عـسـيـسي سـبـاني

برجع لأرض الظل وانظر من الباب
وَاعــيـش فالــظـلـمـا وَراوح مـكـاني

مـن يـومـهـا واللـيـل في كـف بـوْاب
خـايـف يــشـوف الـفـجـر ويـردّ فـاني


صالح الـسنيدي