|
واسعد حضه من لقى حصن ن منيع
محاوره في فن الرزحه بين الشاعر سالم بن سعيد المحيجري والشاعر خميس بن سالم الهاشمي في جروب نجوم الشعر والميدان بتاريخ: 21/5/5/2014 سالم : بنثر سلام ن صافي وبنخص الجميع من خاطري قلته كلامي وبنثره كيف حالهم أهل البواسل والربيع الليلة الشعر مآخذ ف قلبه وخاطره خميس : حيابسلام ن واصل من قلب ن وسيع قول ن مصفد ومن قلوب ن خيره فضي بعلومك سالم تلقاني مطيع وامشي بدربك صاحبي وتخيره سالم واسعد حضه من لقى حصن ن منيع وله التحية من ضميري مسطره ماشي علوم ن حادثه وخبرن سريع والحمد الله وربي دايم نشكره خميس : توه تبشبش خاطري ولقى ربيع رجل ن فهيم ن فالمثل با سايره ناوي بسالك سالم عن ريلن شجيع قالوا لنا مسافر وناوي القاهره سالم : أهل الدعاوي بونهم يلهم نقيع ولهم علوم ن من سنين ن عابره واللي ذكرته ساهر وحزنه شنيع فلبنان قالوا ومرة قالوا الأشخره خميس : راعي الموده دائم ن جرحه وجيع أحيدك فزمله وما تفارقها ثره أنته ربيعه دومك تشتري وتبيع ولا التجاره بينكم متخسّره سالم : وقت الرخص سالم عارف للقطيع وعنده علوم ن للفوايد ساحره لاكن صحيبي للأوادم ما خديع والشاهد الله وحن لزوم نذكره خميس : يلي اشترى بالرخص ناوي بالطميع وكل ساحرا يعرف ربيعه يسحره أما الخديعة سالم صاحبها وظيع وحن ما قصدنا بالخديعة البايره سالم : أهل الصناعة يصنعوا فالصنع تنويع ومايهابهم موين تلاطم ف بحره أول زمان ن غابرن راحوا بنزيع وبقيت علوم اهل المعزه عامره خميس : عن لاتدافع عنه صاحبك طميع بلا وداع مسافر وبلا عاذره وأهل الصناعة جيتهم وقتن رفيع الوقت فايت والدروب قصييره سالم : ماتعرفه التاجر على ذمة جزيع وعلى الخساير والربح بنآزره فوادعة الله والوقت غتلس خديع وبانتركه راعي القضية ودفتره خميس : بثني بوداعي وبختم بربي البديع والآدمي فالدنيا ربي يسيره وعلى النبي صلاتي للأمة شفيع يشفع لنا يوم الخلايق معسره تمت |
اخي العزيز والشاعرالقدير سالم سعيد المحيجري محاوره جميله ورائعه تسلموا شعرائنا ما عليكم زود ودمت بكل خير وموده اخي الكريم |
اقتباس:
نحن سعداء بمرورك وتعليقك دمت بألف خير |
اخي الكريم الشاعرسالم المحيجري شكراً جزيلاً لك على المحاورة الجميلة والشكر موصول للشاعر خميس الهاشمي ابيات طيبة وممتعة من الطرفين وماعليكم زود لك مني كل معني الود واجمل وارق التحايا العطرة |
اقتباس:
شكرا لك على إثراءك لمتصفحي بارك الله فيك أخي |
شاعري القدير : سالم سعيد المحيجري السلام عليكم ورحمة الله وبركاته نقل مميز وشاعرية تروق لنا معانيها لك الشكر والتقدير وصحت ألسنتكم شعراءنا |
محاورة طيبة وشعراء متألقين في الجروبات وفي المحافل
أخي الكريم سالم المحيجري هناك خطأ مطبعي ( أهل الدعاوي بوهنهم ) الصواب بونهم أيضا كان بإمكانكم عدم تكرار كلمتي ( طميع - خديع ) في المحاورة تقبلوا خالص ودي وتقديري |
اقتباس:
شكرا لك على هذا المرور نتمنى لك دوام العافية والتوفيق. |
اقتباس:
أخي مبارك بارك الله فيك. |
| الساعة الآن 07:18 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir