هينه الذي يبغى الأجر فيها العشر
 

محاورة بين

فيصل بن عبدالله السناني

وسالم بن سعيد المحيجري

قال سالم

الضرجع الكثعم تولم لسفر
دالوب فكري عازم ع السفر الحين
فالأوله عنا تعذر وانقصر
من ذا الذي يبغى يصافحني بيدين



فيصل

حيا وسهلا بضيغماً عالي القدر
كلنا معاكم للسفر متولمين
توكل يالحبوكل صافحني وفر
بمغط يديني لك يساري واليمين


سالم

توه وصل سالم وتو جانا عمر/
من بعد منهمنا العوادي سائلين/
وقبل السفر نبغى نتناشد عن خبر/
وفي قروبنا كل الجماعه شاهدين

فيصل


أنشد وأنا في طوعكم تحت الأمر
كلنا نترياكم من شهور وسنين
وعنه الهواء ياصاحبي ماشي عذر
وإن طالت الغيبة ترانا قابلين

سالم


الليلة يفيصل عزموا أهل الفكر/
وجابوا الدفاتر والخلق متعجبين/
لاكن يدختر دفتره القاضي حضر/
وهيش قصته يلي اتهمنا كاذبين


فيصل


بنقرأ دفاترهم من يجف الحبر
وباننتظر لافكارهم متسمعين
أما الذي بايفتري سر وجهر
بيكون من أهل الفتن والماكرين


سالم


ولي يتعدي ولا له شور ولا نظر/
ويبغى يناصح والنصايح ساعتين/
وإذا مشى بشوره مدايم يستضر/
متشوفهم صبح وعصر متعاسمين


فيصل


أما النصح للفايدة خير وأجر
لو كان له وقت ورجال ن فاهمين
ولا الغشيم بينصحك طول الدهر
مافاد نفسه ولا يفيد الآخرين


سالم


دهرن مضى يله طلاسيم وفسر/
كانوا جحافل فالمعارك ماهرين/
فوادعة الله ياعسكر جنود البر/
تبغى السماحة منكم يا الطيبين



فيصل


هين الذي يبغى الأجر هذه العشر
فضلاً كبير وكلنا متأملين
واجب علينا نشكره ليل وفجر
الله أكبر لك إلهي موحدين


تمت 26 / 9 / 2014

السلام عليكم ورحمة الله وبركاته ...
أخي سالم الوشاحي

نشكرك على هذا المرور الجميل

نتمنى لك التوفيق وبارك الله فيك.

أخي أبا ميحد

شكرا لمرور الجميل نتمنى لك التوفيق

أخي الكريم.

شاعريه وكلمات جميله
تسلموا شعراؤنا
احسنت اخي الشاعر سالم

أخي الشاعر عبدالله الراسبي
نشكرك على هذا المرور والتعليق
دمتم بود أخي الكريم.

أخي نييل نشكرك على هذا
المرور الذي أسعدنا به

بارك الله فيك .