منتديات السلطنة الأدبية - مساجله في راس مدركه. عرس ابن احمد الشيخ ابو سالم// محمد العلوي وصالح البلوشي

مجيل في خشايم .. راس مدركه 7/11/2013

محمد..
بنثر سلامي على مراسيم الوطن * للساعدي وكلن وصل في موطنه
جينا بسراعه واسرع من طرف الجفن * للي سكنوا مابين موجي وجفنه

صالح....
واني سلامي عد خولات المزن * يلي على خشايم تدن وتمزنه
ويطيب لك بو سالم دورات الزمن * بوصول صفا لي سطوره مزمنه

محمد .....
تبرا تناثر عاد مفنود الثمن * في حضرة التجار ساموا بثمنه
الليله ابو سالم تباشر بالسنن * نعم الذي ارسل فروضه وسننه

صالح .....
لهل اليمايل جينا واقطعنا المدن * والشاهد الله ما نفند فمدنه
والشمس تحرق وين ظلات الركن * ماحد با يخشع غصن لو مركنه

محمد ....
توه القطى اقبل على الشط وحظن *وحنا ترى وسط الجوارح نحظنه
لكنني قايم دجاء ليلا سكن *اخشاء لقا يوم الحشر والمسكنه

صالح ......
الي وصل هالديدره ميصيبه حزن * احيدها الواصل تغيبله حزنه
وقصر الجنيبي منقوش بجوهر عدن * تبارك الله في رسومت معدنه

محمد .....
تجلت الافراح في سر وعلن * حتى الصحايف للمداين معلنه
جات الجحافل عند اسوار الحصن *لجل البلابل في القصاء متحصنه

صالح ...
هاويتكم يا محمد في جوا حسن * الليله شقاني هالوقت يا محسنه
ودي اهيد واشوفه قلبي انفتن * يوسف نبينا لي زمانه افتنه

محمد ....
حن منكم يا صالح اطلبنا الاذن * ومن مثلكم لازم ترى نستاذنه
ومالت غصون الفيحاء بكمال الغصن * عودن تدلا من بساتين غصنه

صالح ...
هبت نسايم وباننزغ شرع البدن * وبنوادعه وكلن تزهب ببدنه
والمجعلي يستاهل يوم كلن صفن * شيخا يناصيها الجياد الصافنه

محمد ....ا
نته كهين الساحه واتقنت الكهن * وكل ناقشا تعرف مجاله وتكهنه
والمجعلي يتجحفل وكل زافن زفن * ومن اجل اسياف الوغاء متزافنه

وخلتف مربوع
صالح ...

بانخلف قول ومثالي – وبنحائي بشوخ ورجالي
من حضور ومطربيه—وشيخا زهاه المقام
الليله هالوقت بهالي – من يمين ومن شمالي
بو سالم الكم تحيه – جينا وحثينا المشام

محمد...

ربي اكرمني بوصالي --في مدى ارض النظالي
في شفهم جمع البريه – اهل صولات الزحام
لن طال الوقت وامدالي – بعتفد على الجبالي
لهل اسياف الحميه – يوم يشتد الضرام

صالح ...

يودي مدركه بحوالي – يودي ولاتكوني تبالي
بوجود اصحاب السميه –زمطي وارفعي الاعلام
كل منا جداه يختالي – الي لابس الدسمالي
وبونه الريم السولعيه – قناصه بني همام