|
الفراق أهون من انك تسفهيني
الفراق أهون من انك تسفهيني تنكري العشرة ولا تردي السلام ما هجيتك .. يا أميرة .. تكسريني وانا اقرب .. في حضورك .. للحطام لو .. دريتك يا غناتي ما تبيني ما طويت الأرض .. جيتك فالزحام بس حسافه .. الظاهر انك تكرهيني من عرفتك .. وانا وانتي ف اصطدام لو يطول الوقت الأغبر .. بين ديني غيرك انتي ما عرف قلبي مرام هان حالي .. ماله داعي تنكريني هذا اخر يوم اشوفك يا مدام بس بغيتك قبل ل مشي تسمعيني تنصتي لقولي .. ولو طال الكلام الأماكن .. كلها ما ترتويني من بعد ما جفني منك .. الغمام لو تشوفي الوضع بعدك .. صدقيني ما رضيتي - التييييييه- واحوالك تمام بس اقول لمن .. وانا من يبيني ماقدر حتى يرد لّي السلام !! الأهل .. لو طالبوا .. ماتحتويني ما لزوم توافقيهم .. بالتمام العشق .. اكبر من انك .. ترفضيني من اجل ارضاء رغبات العمام العمام الي بغونك تجبريني -بين ذل النفس أو كسب الحرام- الغنى حدهم .. عشان تقيميني مادروا .. بأن الغنى .. ماله دوام الله يرحم والدك .. ياما ف عيني حطك .. وقيد كفوفي للظلام وما صحيت .. الا وانا في مقلتيني اقلع الأحلام من طول المنام وجيتلك هاليوم .. مابي تعشقيني جيتلك جايب قلاده للغرام البسيها ف يوم عرسك .. وذكريني ويا عسى سنينك يدومبها السلام |
هلا فيك أخي
حقيقه أبداع وفقت في أختيار المفرده حيث نسجت قصيده متكامله بكل المقايس أطربتنا يا أستاذي وحقيقه كل بيت يشدك للبيت الذي يليه رغم النهايه الحزينه تثبت تقديرآ لك وللشعر أتمنى أن أرى لك حضور بين قصائد أخوانك الشعراء فلا تطيل الغياب وفقك الله ..... |
اقتباس:
شكرا لك اخوي بو رآكان ان شاء الله متواجد معكم على طووووول |
بالرغم إني لست شاعرة إلا إني عشت في كل حرف سطر هنا
دمت سيدي للإبداع فيض إحساس دام نبضك |
اخي العزيز عبدالملك البلوشي ابيات جميله جدا ورائعه وفي غاية الجمال والابداع تسلم على هذه القصيده الجميله والرائعه وننتظر جديد ابداعك هنا دائما ودمت بكل خير وموده اخي الكريم وتقبل تحياتي |
اقتباس:
ذكرى انسان شكرا لك |
اقتباس:
تسلم أخوي عبدالله الراسبي |
عبدالملك البلوشي عندما تجتاحنا مشاعر كتلك فليس لنا من معاتب سوى حروف ننسجها بالدموع حروف أنينها مسموع تكاد تستوطن القلوب العاشقة بلا منازع صح لسانك ملاييين |
شاعرنا القدير عبدالملك البلوشي السلام عليكم ورحمة الله وبركاته صح لسانك وبيض الله وجهك تحية لك بحجم ماقرأت نص يحمل إبداع متميز وإضاءات جميله سجل إعجابي وتقديري العميق |
اقتباس:
صح الله بدنك أخوي وتسلم على الكلام الجميل |
| الساعة الآن 04:18 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir