|
مصيره لشاعر الذيب الوهيبي
مشتاق موت الشوق بنتن صغيره طفله رمت بالقلب مليون حيره أم الجمال اللي سحرلي فوادي بأحلا العيون الفاتنات الخطيره أية حسن من معجزات المحاسن روعة فتاتن ما بعدها أخيره جمال حوريه بمعنا وصوفه زينه رهيب وفتنته قمطريره من يوم شفته رحت كني مخدر فكري تمرد من شعورن تديره حسنه سرق لب الفواد وسرقني عذب الشفايف ياعسى الله يجيره عن حب شخصه ماسهت بي نصايح لو ينصحوني من شيوخ وعشيره ولو يجمعون البيض لجل أختياري من بين كل الخود ماحب غيره عشجي له أطهر من دموع السحايب عاشج عشاقة موت بنت الجزيره حتى جنون الحب فيني تخلد مجنون كلي حب ضبية مصيره ضبيه دمانيه ربت في فلاها تسرح وتمرح فالفيوي الخضيره تقطف زهور الفل بأكرم صباها تتعب مدى القنيص ريمن حذيره الريف لا شمت بالانفاس ريفه ضاع النسيم وعاد لفحة عبيره وإلى مشت بالارض توزن خطاها مثل الرمك والا المها المستذيره وإلى حكت بالهرج تنطق جواهر الصوت ناعم والمسامع تغيره مع ضحكها البسام تضهر دررها يبقا ضررها بالعيون الضريره الحب له مغزى ومرسى مشاعر والبعض حبه حسب نظرة نظيره واللي على نار الغلا شب قلبه عينه بصيره والايادي قصيره الشاعر الذيب الوهيبي |
الذيب ذيب ودنيته يا حلاها
ما دام عشقه أنتهابه فـ مصيره الذيب لك التحية القصيدة جميلة جداً الله يجبر خاطرك وتعيش أيامك هنية |
أخي العزيز الذيب السلام عليكم ورحمة الله وبركاته حضور يرسم معاني تلك الجزله صح السانك ... متابع لك أيها الأصيل. |
الذيب الوهيبي... شاعر ممتع ومبدع..
أعجبتني القصيده بما فيها من وصف .. تـــــــــــــــــثبت القصيده تكريما لحضورك الجميل .. ونتشرف بتواجدك. |
اخي العزيز الذيب الوهيبي ابيات جميله جدا ورائعه تسلم على هذه القصيده الطيبه واصل ابداعك الطيب وننتظر جديدك هنا دائما تقبل تحياتي |
الله عليك شاعرنا الجميل الذيب الوهيبي قصيده في منتهى الجمال وتستاهل مصيره وأهلها كل خير دمت بحفظ الرحمن |
الذيب ... فعلا إنك ذيب ..وينخاف منك ههههه امتعتنا بروعة الحضور على قمم القوافي .. اعانك الله ..في ضبية مصيره ... ورد وود |
| الساعة الآن 02:20 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir