مساجلة في فن المربوعة(النايحة الطويلة)
 

السلام عليكم أحببت أن أشارك اليوم بهذه المساجله في فن المربوعة بيني وبين الأخ العزيز/سليمان البلوشي (ود خمسات ) فأرجو أن تنال أعجاب القارئ :

عبد العزيز: ستوت بالنواحي قصة ### وأخلفت مرارة وغصة
يا صاحب نهمتك واحي### مطلوب الهوى غشمان
وهاتي من وقاتك حصه### لين أنزيحها ها لهصه
عاسى هالقلب يرتاحي ### وحاله من وده ضمان
********************************************************
سليمان: جاني طارشك ونصه ### وحالك من ضميري خصه
واجبي أوحي الصياحي ### دامه صاحبي هيمان
ويمحنك علاج الشصه ### وأنفك ما تقدر تقصه
لو أن تبتلي بجراحي ### خلك عالصبر شفقان
****************************************************
عبدالعزيز: صبري طايح عالمنصه### من ريته صبوعه وفصه
غشربن زهى بوشاحي ### بوصوله أني عشمان
وودي من جنابك فرصه### تشوفه هالأثر وتقصه
صرني قاصرن مشباحي ### سته من بعد الثمان
*********************************************************
سليمان: ياالله يا غزال الجصه ### يسوي للعاشق مرصه
يدعاه حايرن نواحي ### واقف قوله ف اللسان
وعوقك من حناه وقصه### وتبغى لي نظره وبصه
بيعقني شرى بن ضاحي### هايم ف الذرى ولهان
*******************************************************
عبد العزيز: فيها أمصوريه متغلصه### عروقن خافيات وبخصه
جاتني زرقة رماحي ### وأيزى خاطري حصلان
والليله أنا طلبت الرخصه ### هيا صاحبك بتخلصه
الطير ما حاله جناحي ### وأنته عارف وفهمان
******************************************************
تمت المساجله
ملاحظة:أمصوريه قرية صغيرة من قرى ولاية الكامل والوافي وبالتحديد هي من قرى الوافي

تسلم أخي الخليل وأشكر اطرائك العذب تقبل وافر التقدير

تسلم أخي عبدالله وأشكر مرورك الرائع ولا هنت

صح لسانكم

القافية ممتازه

تقبل مروري

مشاركة طيبة
دمت بخير

ماعليكم زود -
كلام يشرح الخاطر ويريح الساهر= تحياتي

صح بدنك أخي سليمان وعساك دايم