|
فن التشحشح بيني وبين الشاعر العزيز عبدالله سبيت العلوي
يقول عبدالله الراسبي تبارك الله ع الربابي **** يلكم سلامين وتحيات ********* بعداد هملول السحابي ***** كيف حال خوتك والرباعه **** من ياهل وشيبه وشبابي **** بوسبيت بانشدك باسالك ***** عن موردن غربا اليوابي **** من أوله يروي العطاشا ******* موصوف راحه فالشرابي ***** بستان من زد البساتين ******* نعمه ظليله وانسيابي ****** شمنا بنستطني النخيلي ******* فالسور شفنا ألف بابي ***** قالوا لنا البيدار باعه ******** والي شراه ربعه الجرابي **** والخاتمه زايد بعوقي ******* حث بعجل هات الخطابي **** قال عبدالله سبيت غني بلحن صاح العرابي ***** طشيت من نومي وفزيت ***** عزمت أشرخهن ثيابي ***** رحبت بك مليون مره ****** ساعة وصل منك كتابي ****** بجمع وبقسم لك وبطرح **** والحين با وقع حسابي ****** يا صاحبي من مال غيره **** في هالزمن يقدر يصابي ***** البيدار ما عنده رباحه ****** آخر السنه يجني النصابي **** واللي يبا يملك بساتين ***** م يخاف من لدغ الدوابي ***** ذا شور مني ما دلاله ******** لا تقول عبدالله رمابي ***** والخاتمه دوم المولع ********* يزجر بونه واعذابي ***** وتقبلوا تحياتي |
محاورة طيبة ، اتمنى لكم التوفيق دائما .
|
اقتباس:
|
ماقصرتوا
كلام طيب وجميل |
اقتباس:
يقول بو ميحد: الجو غائم با السحابي: الله بخولن يســـــــــــجي الدار مطره وتخضر الهضابي أشوفني في درب خوتي ف أركــــابهم ب اشبج ركابي ناسن شغلهم ف التجــــــارة مــــعهم وسيعات الرحابي محظوظ واتنفعه جـــــــهوده اللي يـــــتاجر في العوابي واللي يتاجر فى البســـــــاتين لتجــــــارته فاتح مخابي يتكلموا عن عاضد الشيح فى زملهـــــم شوقي سرابي حدن يقول المال م العام مبــــــتاع والشــــــاري يحابي أهل التجاره يحبكوها أيشــــــــــن أنا حـــــــضرة جنابي ؟ والخاتمه جات الشـــــهيه فــــــــى دارهم ريحة مضابي |
أخي العزيز عبدالله الراسبي السلام عليكم ورحمة الله وبركاته جميل هذا التحاور لانه يظهر الإبداع صح السانكم ولاهنتوا وننتظركم في تحاور وتالق ثاني لكم مني كل الود والأحترام |
اقتباس:
|
اخي ابو ميحد تسلم يمينك على هذا الكلام الجميل والرائع بس ملاحظه بسيطه انت اتيت بكلمة السحابي وهذه الكلمه انا قلتها في المحاوره وهنا يعتبر تدويس في القافيه ومن شروط هذا الفن عدم التدويس على الكلام الذي قاله الشاعر الاول بمعنى عدم الاتيان بكلمه بنفس الكلمه في القافيه التي قالها الشاعر الذي قبلك فاتمنى الانتباه لاحقا وانت بحق مبدع اخي العزيز |
اخي العزيز واستاذي سالم الوشاحي مرورك هنا اسعدني كثيرا واشكرك على هذا المرور الجميل والطيب وانت الاروع دائما وتقبل تحياتي |
اقتباس:
فزياده حرف الالف بين اللام الشمسيه والالف التاليه للباء تعتبر خطا مطبعي فقط فزياده حرف الباء واختلاف المعنى ينفي التدويس وأعتقد أن التدويس يحتج به فى القصايد الحماسيه وتباددل الشتايم بين شاعرين لانه دليل عجز احد الشعراء وهذا حسب معلوماتي المحدوده وسلمت يمينك ومنك نستفيد |
| الساعة الآن 04:19 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir