|
قبــــــــــــــــــــــــــــر
غَشّى ظلام الحزن فيني المنــــــــــاما وظُهري من الحسرة تخلّى عن اللون كنّ العمر فيني انتحر ثـــــــــــــم عاما في كل لحظات الهوى يبكي بِجنـــــون من خاطر الصبر النحيل استقــــــــاما وجه المصيبه والرضا حيل مدفــــون تحت الثرى مات الفرح .. بالبهـــــاما هلت الثرى فوقه وانا حيل مغبـــــون من أوّل السيرة سرى الحلــــــم عاما يكسي التراب الورد ويعانق الكــــون بعد الضنك شاف الجنان السلامـــــــا وهلاّ ابسما شوقه وبه عمر مفتـــون بها عرف كيف الهوى له غمـــــــاما لا بلّ وبله ريق يابس بكل هــــــــون تطلع مع الصوت الغناوي حمــــــاما لاهي بجوّه وفـ جناحينه مكنــــــــــون وحروفه الولهى بعطر الخزامــــــــى تنثر روايحها مواويل ولحـــــــــــون شافت عيون الكل عاشق تنامــــــــى لين ارتوت روحه رضا واذهل عيون ما غيرها في عين قلبه تسامـــــــــى وما غيرها نمّت بتاريخه افنــــــــون ما غيرها لملم كثير الحطامـــــــــــــا وما غيرها رجّع له الروح وتمــــون ما غيرها نابت بجفنه هيــــــــــــــاما وما غيرها غنى لها الليل بـــــوزون ما غيرها سافر لها واستهامـــــــــــا وما غيرها يقراه في فرح وشجـــون لين القضا وظرف الشقا والغشامــى رَزَّو بقلب الحب رمح الخَلا البــــُون شبّت بها نيران غِيرِه حرامــــــــــــا لين احرقت كلّ شيّ في يوم مطعون واتفرّقو .. مات الهوى والغرامــــــا صفحه انطوت بين المخاليق بالهون مسقط 2010 م |
تطلع مع الصوت الغناوي حمــــــاما لاهي بجوّه وفـ جناحينه مكنــــــــــون وحروفه الولهى بعطر الخزامــــــــى تنثر روايحها مواويل ولحـــــــــــون ياسلام على هالأبيات الجميله شكراً لشاعرنا عبدالله الشعيبي الذي عطرنا بروائح الخزاما وأطربنا بالمواويل الجميله.. |
* عبدالله الشعيبي صح لسانك يا الخزي وما عليك زود لك الود صباحك سكر ** |
شكرا على هذا النص المميز .. وللأماما يا صاحبي .. على فكره هذا لون قديم وصعب في نفس الوقت .. أتمنى لك التوفيق والإستمرار ..
|
أستاذي عبد الله الشعيبي
نص جميل رائع كلمات داعبت مشاعرنا.. سلمت يمنك و دمت رائعا كن بخير |
شكرا لك عبدالله الشعيبي
لقلبك شكرا لقلمك شكرا لابداعك شكرا لحضورك والقك شكرا لشعرك المحكم شكرا |
صح لسانك عبدالله
نص جميل مثل جمال روحك لك مودتي هيثم |
هلا أخي
عبدالله الشعيبي أنت الجميل في حضورك المبداع في إظهور مكنون الجواهر اللفظيه .. مثل هذة النوع من القصائد لها ملامح من قصائد فهد بورسلي .. ومانع العتيبه قد أتقنت الإبداع .. أيها الرائع .. صالح السنيدي |
ما غيرها سافر لها واستهامـــــــــــا
وما غيرها يقراه في فرح وشجـــون لين القضا وظرف الشقا والغشامــى رَزَّو بقلب الحب رمح الخَلا البــــُون شبّت بها نيران غِيرِه حرامــــــــــــا لين احرقت كلّ شيّ في يوم مطعون واتفرّقو .. مات الهوى والغرامــــــا صفحه انطوت بين المخاليق بالهون لاهنتي يالغالي جميل ان نجد المتعه عند قرأت ابياتك وفقك الله اخي الكريم |
أبو سامي ..
هنا نلتقي حين تكون القلوب تحتاج إلى قليل خروج من روتين لهاثها في الحياة .. لك تقديري |
| الساعة الآن 04:39 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir