طفح كيــل الشعـور من الحــديث الصبـــر والكتمان
وانتِ مثـل هالصحرى يبـاسٍ ما ارتـوى به عــرق

آحسبــك مثـــل مـا كنت أحسبـك أول ونّـا ولهان
تنسيني اكتئـابي // غـربتـــي اليـا بديـت النطـــق

واشوفــــك قمة أحــــلامي طموحي وداخلك إنسان
غـــريبٍ للأسف // بيـن اگتظـاظ البـاحثيـن الرزق

وادور لـــي مكـان ولا لقيـت إلا الحـدود أركـــان
عشان أنهار ويخنقني الوجع وأنهـار ليــن العمق

أنا يمكن نسيت اني بشر في خضم هالتحنـــــان
لـذلك ما قدرت // إلا // احسـك بالخفـــوق العشق

ونّـا يمكن مثـل غيـري توقـع يخمـد النيـــران
الين أنه احتـرق بين الظنـون ولا طفـا هالحرق

نسـى أنك مُـقــادة // أو قـــلادة // أو بلا أغصـان
تجـردتي الأحـــــاسيس وبقى في باطنك يغرق

تهجـر طيـور وأكثـرها // يروح بحـاجة استيطان
لأن صــدرك اسف ما ضمها حــــزة بؤس أو رق

تموت أنفـاس وتقلط امـاني تكتسيها أحـــــزان
وبين الحـزن ومعــانق صفــات الآه نبضي طق

ثقل حلم الهناـ بيـن الأراضــي الممتلة حرمان
ولا فـاضت كفـوفــك للأســف إلا آنيـن وعــق

تغيـرتي كثيــر أدري تغيـرتي معّ البُهتـان
وأكثـر مـن كـــذا متغيـرة حتى بدون الفرق

تنـاسيتي رجـل يسعى يهــون ولـو غــدى ينهان
لجــل أن تصعـدي يسمح يداس ويحتمل يصفق

وياكـل من تبن جوعه الأذى والصمت والنكران
لانك أول الحلم ونهــاية // تمتمـات العـــرق





عبـدالكـــريم السعـــدي