|
هنا " ضجيج أنفاس " و فقط
بسم الله الرحمن الرحيم ... هنــــــــــــــــــا ... ضجيج أنفااااس و فقط :) |
أنا لست سوى طفلة ... استوعبت " الغرق " مبكراً .. فأصبحت تتأرجح بين الشعور و اللا شعور .. |
أحبك هي مسافة بس ما بين العطش و الماي أحبك كلمتين عتاب تزعلني و تحييني أحبك شوفها سكّر و لكن ذوّبه هالشاي أحبك كثر ما حبّك تغلغلني و معميني تعال و حسّها رجفة يميني لا عزفت الناي بتدري و قتها بأني عشقت بكل ما فيني تذكّر يوم "أخبيلك من البسكوت في مخباي" أشاور لك تعال وانت خايف بأنك تجيني صغيره كنت ما أدري بأنك رغبتي و مناي عطيتك "نص بسكوته" جهلت إنها بتبليني كبرت .. ومالقيت إلا طيوفك ماليه دنياي أدقق بالنظر ليني أتووه و ما " ألاقيني" تعبت أسولفك " قصه خرافيه" على أشياي أركّب لي تفاصيل الحكايه اللي بتنهيني " تعيسه " وانت رايح حتى وانته " جاي " تغرّبني الحـــــــــــــواجز بينك و بيني ضجيج أنفاس |
أبسألك ..
ليه بحضوري " تلعثمت " ؟ ما كنّك " الشااااهين " يللي عصاني و بسألك .. ليه بعيوني " تأملت " ؟ وانت " الوحيد " اللي أبد ما عطاني و بسألك .. ليه بغيابي " تحطّمت " ؟ جـــــــــــابووولي أخبارك و أنا في " مكاني " تدري وش أكثر شي منّه " تعلمت " ؟ صدة جنابك و الجروح و أماني |
. . . ما كل " شاعر " يبتسم حالــه يسر و لا كل من " يهذي " تعدى الميانه . . . ;) |
. . . الحب مو كلمة " معاناة تكبر " لا صرت عاشق شخص ميّت حنانه مو قصتي لكن كذا " ف بالي يمر " احساس ياخذني وهو في مكانه . . . |
تدري وش اللي زاد طيني بلّه ؟
الناس يقرونك و أنا " غنّيتك " تدري بصوتي لو أجيبك شلّه ؟! تبكي الزوايا بس إذا " ناديتك " أخفيت أنا جرحي و نزفي " علّه أتعمد الفرحه إذااااااااااا لاقيتك هذا قصيدي جاك بس " اسمح له " أدري تكدّر خاطرك " حبيتك " لا لا يهمك خل شعوري خلّه عشها حياتك واعتبر ما جيتك |
الحـــــــلم ما كان غير " أكذوبه "
من سبة أحلامي أنا فكري اختبص ليتك تجي عصفــــــور ما حسّوبه لا مر شبـــــاكي حبسته في قفص الغلا له نكهته و ذنــــــــــــــوبه وش حيلتي لا زاد حب و مانقص يـــــــلي ملكني بطيبته و اسلوبه ربك جمعنا لكن الدنيــــــا فرص |
وقت الغروب تمرّني " ضيقة سفر " !! |
المصيبه .. من عشقتك ,, صرت أشوفك إنت بس ! وانت لاهي في هواها في غيابي و فـ الحضور |
.
. . صباحك .. " شي ما قدرت أستنطق المنطوق وا اجيبه .. تخيّل داخلي " ربكة " .. بعييييد و أستحــــــــــــي منك . . . |
ودي أجيك و أدري القـول " أسهل " ما بيننا حــاجر .. ظروف .. و ملايين في حاجتي لك صــــار هالدرب يطول شفت القدر وشلـــــون يلعب بحبلين ؟ أحس حزنـــــــــي لغز مـــــاله أبد حل أمشــــي و أجهل كنت أنا رايحه وين حاولت أخفـــي الدمع قلت " آتجمّل " أحس من حزني غدى منظري شيــــن و المشكله خوفـــــــــــي إذا حد يسأل يسأل عن أحوالي و يلمح شقى العين |
كل هالدنيا فـ كووم و بسمة أمي فـ كووووم الله يحفظ أمي و أمهات المسلمين :) |
. . . فينــــــــي شعور و ما أظنه ينحصر ثااااير شعوري فيه " نشوة لعانه" مدري أببدا بالحكي و اللا النظر؟؟ في صمتي أشعاري تحس الإهانه . . . |
مـــــا أقول لك حلوه ولا أقول لك غير رمشـــــــــي من أسبابه ضحايا قتيله في طلتــــــي يصحى صفير العصافير لا مــــــر ليل(ن) صرت نوره و فتيله ما أقول أنا عندي جناحين وآطيـــــــر لكن تطير عقــــــــــــــــول وآنا كحيله لا تلـــــــــومهم لا شفت خلفي طوابير مشيي رزين و هامتـــــــــي مستحيله فـــــي خطوتــي تحلى جميع المشاوير ودروب تسعد لا غدت بـــــــــي طويله و إليا ضحكت بوجه لو طفل(ن) صغير علّق بثوبــــــــــــي اصبعه ومن يزيله بس لا قلتلي اللي تريدينه يصيـــــــــر ترخــــــــي غروري و كبريائي تميله أحبك لحـــــــــــالك ولا أريد شي غير حتى أحبك أعتبرهـــــــــــــــــــا قليله وجودك بدنيــــــــــــاي أحلى المقادير ولو كنت "واحد" هذا حبي " قبيله " |
قال أنـــــــا متكبرة و فيني غرور قــــــــــال إني فـ كل شي متعاليه آنا صمتي صار من صمت القبور مــــــــا قدرت أجيب جمله شافيه البلا إنــــي غايبه لو فـ الحضور أرتجل أشيــــــــــــا و لاني داريه يمكن إنك شفت في طبعي قصور و جـــــــــايز إنك تعتبرني قاسيه بس والله داخلـــــي زحمة شعور شـــاغلتني هموم ناس(ن) ثانيه جــــــــــايز الموقف يخليني أثور و أظهر باحساس بنت(ن) جافيه بس أنا لو شفتني من هالسطور شفت فينـــي كيف روحي صافيه |
تصبح على خير يا " جرحي " ديري بالك على نفسك يا طعوني و هالله هالله فـ الغياب يا غايبين ;) |
حساااااااااااااد ..
الله ياخذهم و ياخذ همومي وراهم |
خروووووووووج ... و عودة بعد المدرسة :cool: |
نزيف الشارع المنهك غيـــــــــــــــــــاب أحباب تعـــــــــب يترقّب الموعد و هدّت حيله الساعه وقفنا و العمر لحظة و كنّا مانحسب حســـــــاب ركضنــــــــــا خلف بيبان الظهور بنفس طمّاعه أجيك و ما ألاقي في وصــــــولي غير قفل الباب أناديك و تصد عنّــــــــــــي و لا تعلن لي الطاعه زمـــــــان أهواك لين إنّي أحسك منفتحلي كتاب أجيــــــــــــــك بلهفتي كلّي أفجّر روووح ملتاعه تعبت أرقب طلوع الشمس و أدري هالحلم كذّاب و لا راضي يفارقني عجزت أنجح بإقنــــــــــاعه تغرّب هالشعر فيني و حبك في خفوقــــــــي ذاب أهـــــــــــــاذيبك و لا تسأل و لا ترفعلي سمّاعه |
يا هدوووء الليل يا ضجة جراحـــــه الهدب نــــــــــايم و هم القلب صاحي أسوأ الأشياء لا جــــــــــــات بوقاحه وأجمل الأشيــــــاء ما شالت جراحي ليه دايم ما نحب قول الصراحــــــــــه ليــــــــــــــــه يزعلنا قدر لليوم ماحي ما كتبت الشعر طيـــــــش و لا فلاحه الشعر ينساب في قمة صيـــــــــــاحي لا تحــــــــــاتي ذا جنوني و ذا مزاحه و انت أدرى في جنوني و في مزاحي |
يلوموني على شعري و احساسي و هالأبيات و لا به شي مستاهل عشان إنهم يلومـــوني أنا يا ناس وش ذنبي إذا صار الشعر بالذات يسري في تفاصيلي ولكن ما يشـــــــــوفوني تربّى هالقلم بيدي و عـــاش بدفتري بسكات ولا ظنيت في يوم(ن) يبوح و مـــا يراعوني قسم بالله بـــوح الشعر أحيا داخلــي نبضات كتبته لين ملّت هالدفاتر زود مكنـــــــــــوني يلوموني يظنون الشعر فـي صف هالكلمات أنــــا لا جيت أوضحها مصيبه مـا يفهموني أحبه هالشعر و إن كان يبغيها سبع مـرّات حلفت إني لـ أكررها ألين يصير مجنــــوني |
|
حل الظلام .. و بعضي ليس يعرفني ..:confused: |
. . ما ودي أحلم كان تبغاه " الصدق " توني عرفت إن الحلم غير الحقيقة . . |
. . توني عرفت إن الضيا يعني : قلوب و تحترق مـــــــــــــــا كنت أظن الشمس : كتلة حريقه . . |
لا أجيد الصمت .. و بداخلي ألف زئير فرفقاً بأنفاسي و زئيري |
باتوووب عنّك بس أنا " قلت باتوب "
يعنــــــــــي ترى" نيّه " و لاهي تعتبر |
جرّب تحبه و بعدهـــــــا جرّب تخون كانك عشقته مــــــــا وصلت الثانيه الحــب عَمَي و اللا معميه العيون ؟ و اللا قلوب الناس صارت عـــاريه بعض امنيـــاتي لامست خط الجنون و البعض الأخر م اعتقدها حــــاليه العوق ماهي طيحه بسبّة طعــــــون العوق تعشق ناس بس مــــو داريه "حرّيتي" ماعشتها إلا ف السجون أحلى مـ فالحرمان نفس(ن) راضيه جايز تعب / جايز قهر و يمكن يكون أرحم مـــــن العيشه و ناسك ساليه |
يا حبيبي جيتني " حالة سرور " تقشعر الروح منهــــــــا و الجسد يعشقك قلب(ن) تربّــى ع الغرور شـــوف لكن كيف في حبك سجد !! |
إنت قاصد تثبت إنك في حياتي بس " سراب " ؟؟ واللا تثبت قدرة الحب الكبير إنه يموووت ؟؟؟؟؟؟ |
صباح الموت يا أمنياتي :) |
شـ المشكلة لو قلت لي فيني عيوب عـــــــادي ترى حتّى عيوبي تبيني من كثر ما قلبي غدى فيني يذوب أخـــــــاف يطلب من أبويه يديني :p |
وينك ؟؟
ترى وحده وجودك لي شفا .. حتى التعب دامك معي ماله وجود |
تراها المشكلة إني غديت " أكبر معاناته " أنا نورة أنا ليلى أنا فطوم .. يــــــــا عيني مصيبه لا لمح زولي ذكر فيني " حبيباته" يسطرلي أساميهن عشـــــــــان إنه يناديني |
القلب سجّل في غيابك لك " حضور " و البقيه جوا .. راحــــــوا ... ما نشد عــادي سهله نحصي أعوام و شهور و يــــاهي صعبه نحصي العشق بعدد |
ذابت شمــوع السهر و الأمنيات و اختنق نبض المحبه من نطق مــا ألومه لا حشى ذي خارجات لا بإيــــــــدي و لا بإيده هالغرق شفت كيف الوقت ياخذ حاجيات ياخذ أشيا فقدها يحيي الأرق !؟ |
و تزورني حمى الشوق من جديد ..
و لا زلت أجهل .. أكنت لي أم لأحلامي ؟!! |
تدري وش أقصد لو قلت لك ......ـــية بلا أنين ؟ يعنــــي الحزن لا جا بيرويله عطش بي ما روى تدري بأنــــــــــــــي لو قسيت بذمتك يصعب ألين اللين ما يسكن سمـاي و لا بأرضي و لا الهوى |
|
| الساعة الآن 09:16 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir