|
غــــــيـّـــــدا
مقصب من كلمات / سليمان بن عبدالله بن سليمان الرواحي 20 /5 / 2014 يالعيطموره الضرزم قطعي في المفال وقطعي فجاج البيدا جــدي و أرحــلي سيري مــواطـن غــيـّدا سيري بعتجال شـلـي سـلامـن من نــفــح القرنفلي و أفضي بما ف الجاش في سطور المثال فــضـّي بصبابة عـاشـق ٍ مــتـنـهـجـلي صـب ٍ كـئـيـب ٍ مـغـرم زاد به غــربــال مـلـهـوف مـشـغـوف الحشاشه مـبتلي صـابـت فـؤاده غـيـدا بزرقات الـنـبـال و لا نـثـلـة ٍ تـحـمـيـه من الــذوابـــلي فـاقـت فـرايـد جـنـسـهـا في كل مجال غـرّه مـلـيـحـة مــن صـنـف العـقـائلي لا هـي مـهـاة ٍ تـوصـف و لا تـلك الغـزال أذي حـوريـّـة سـبـيّـت كـهـين ٍ عـاقـلـي قالوا الوجـه قلـنـا الـبـدر ضــح اللـيــال و الخـشـم بــتـّار ٍ حـدوده تــقــتـلــي و العين كـحـلا أبْــدا ً مــا ذاقـت كحــال و الـطـرف وسـنــان أبــد مـا يـغـفـلـي أمـا الـثـنــايــا بـيـيـض مــن حـب الآال أو مـثـل حــبــات الــبَـرَد لي تــنـزلـي ثـامـر قضيــم الـورد فــي خـده و خــال و شفـا تشافي كل سـقـيـم مـعـضـلــي أتلع مـعـنـّق ماخـذ مـن ظـبـي جــفـّــال لا تــو شــراتــه و لا ف زمـان الأولـــي ممشوقـة الـقـامـة و تـمشـي بـإعـتـدال تـقـسـم خـطـاهـا عـلـى وهـاده و مهـلي لا خـيـزران الـعـود و لا مـــوز الـغـتــال يـتـمـايـل بّـه عـلـى جـنـوب و شـامـلـي سـنـعـه أديـبـه مـن لـبّـت عـرب عـقـّــال أذي مـطـهـمـه و غـيـلـم رفيعه المنـزلي غـيـدا يا غـيدا روفـي و أنـظـري ف الحال حـالـة غـريـق ٍ ف بــحــور الــطــواملـي يـا زعـفـران الـغـالي و يـا مسك ٍ و هـال يـا بـارق ٍ زاغـى ف قلـبـي و ضــح لـــي يـا شـمـس المنيـره لا زال الحشـا لا زال مـقـفـول ودّه عـن حـسـود و عـــاذلــــي و الـخـاتمة قـفـلـنـا ذا الـهـوى بـأقـفـال بحروز و طـلاسـم ف كـاغـد مـقــفــلــي وصوبك مـثـالي غـيـدا مـا هــلوا الـهـلال ومـا نـوّحـت ورقــا و نـــاح الــبـلــبلي تم |
اخي العزيز والقدير سليمان الرواحي مقصب جميل جدا ورائع وفي غاية الجمال والابداع تسلم على هذه الابيات الجميله والرائعه ودمت بكل خير وموده اخي الكريم وتقبل تحياتي |
أخي العزيز والشاعر القدير سليمان الرواحي شكراً جزيلاً لك على هذا المقصب الجميل وماعليك زود ابيات راقية من شاعر راقي في فن الرزحة ولاتخلوا من مغزى تقبل مني مروري وإعجابي واجمل وارق تحياتي العطرة يا اخي الكريم |
تسلم سليمان
على المقصب الجميل |
صح لسانك شاعرنا القدير سليمان الرواحي , وتعاد القصيدة لأعلى الصفحة نظرا لجمالها. |
أخي العزيز سليمان الرواحي السلام عليكم ورحمة الله وبركاته أبيات تعانق السماء صح السانك ولاهنت ... أنتظر تواصلك الدائم هنا تحياتي وجل تقديري |
الكاهن ههههههههههههههه كلام جميل جدا صح لسانك ما عليك زود ابو عبدالله تقبل مروري |
اقتباس:
تقبل ودي واحترامي |
اقتباس:
انا سوى تلميذكم و اشكرك على الاطراء لك خالص الود |
اقتباس:
لك خالص ودي |
| الساعة الآن 05:35 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir