تغرودة الباديه
أحببت أن أطلعكم اليوم على هذه التغرودة الأرشيفيه غــردت وبــقـــول ٍحــلــو مـنـطـوقــــه + وكتبــــت كلمة صـدق أب ملفوقه (ع) الــبــاديــه زايـد فـوادي شـوقــــه + دار البدو تثبت علينــــــــا حقوقه لــهــجــرتــها كـالـوالـديـن عـقـوقـــــه + ولي زارها تهدى ضميـره خفوقه فـيـهــا سـمــرنــا وبـفـرح وشـفـوقـــه + ومنهـــــــــا وكلنـا طيبات الروقه فـي سـبـلــةٍ عـوده ولا مــغــلــوقــــــه + تلقى حْسين البــــــــن حلو ٍ ذوقه قــهــوّه قـلـيـّـة فـن أب مــحــروقــــــه + بالهيل مخلوطـــه وضحى مدقوقه يـكـفـيــك فـنـجــان ٍصـغـيــر تـذوقـــــه + اتشــــوف حالـــك ظاهرات فروقه ولـن جـيــت أذكــرهــن أصـايـل نـوقـه + يلهن مـــودة قلـــــــب ما مسبوقه سـمـحــه رفـيـعــة عـز أب مـعـقـوقـــه + ولا من قطاطيـــع الدرب مسروقه تـمـشــي الـهــويّـنــه وبـحـذر مطلوقه + عاشـــت فسيح ٍواسعــــات طروقه ويـوم الـركـض يـلـها تـسمعـه سبوقـه + شرقي سيوح الــــدوح ما ملحوقه مـن جـود رجـل ٍشـهـم مـا (ح) يـفـوقه + جـــــــوده يشابه مزنـــةٍ مسيوقه يـو هـالـعــــرب حن أمـةٍ مـرزوقــــــه + من فضل قابوس الهمــــام وطوقه مـن تـحـت أقـدامـه وكـذا مـن فـوقــــه + نور ٍ زهر ضـــــح الوطن بشروقه قـابـوس يـلـّي صـادق ٍمـنـطـوقـــــــــه + وبنا لنا ســـــــــــور ٍ عظيم ٍ طوقه فـي الـحـرب نـار ٍشـاعـلـه ومـلـبـوقـه + وفي السلم بلسم لي يداوي حروقه وثــرواتـنـا بـجــــود الولي مـدفـوقــــه + والنفط زايد في جميـــــــــع رقوقه وعـداد مـا خـول ٍسـكـب بـبـروقــــــــه + صلوا على طـــــــــه النبي وعلوقه |
أخي العزيز أبو هلال السوطي
حقا إنها رائعه من روائع السوطي الكثيرة استمتعت بسماعها منك مرارا ، واستمتعت بقراءتها الان . دمت ذخرا للتراث ونشر مكنوناته من القوافي الذهبية ،،، لك كل التقدير |
هالله هالله تغرود طيب وجميل ماعليك زود يالسوطي ونحنا هنا ننتظر الروائع |
اقتباس:
الله الله انت دائماً مبدع يا السوطي تغرود جميل ورائع أخي العزيز بس من خلال قراءتي لهذا التغرود وتمعّني في مفرداته لاحظت بأن كلمة ( أكلنا ) أصبحت ( وكلنا )، حيث أن هذا المصطلح قد يكون غير مفهوم في بعض المجتمعات فأعتقد لوكانت ( أكلنا ) لكان المصطلح مفهوم من الجميع ولايخل بالوزن تقبل مروري وتحياتي العطرة أخي الكريم |
أخي العزيز أبوهلال السوطي السلام عليكم ورحمة الله وبركاته تغروده رائعه وفن من تراث خالد متمكن من نسج ما تريد صح السانك ولاهان منطوقك سجل حضوري ومتابعتي . |
الله الله الله اخي العزيز ابو هلال السوطي ابيات شعريه جميله جدا ورائعه في فن التغرود تسلم على هذه الابيات الاكثر من رائعه وتقبل تحياتي |
اقتباس:
شكرا ولك الود |
اقتباس:
شكرا على مرورك من هنا وما عليك زود |
أخي العزيز عامر الناعبي أشكرك على حضورك وعلى التوضيح أيضا ، بارك الله فيك |
اقتباس:
شكرا أخي العزيز سالم الوشاحي على مرورك الكريم لك الود والتحيه |
الساعة الآن 07:21 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir